Air India Plane Crash :अहमदाबादमध्ये दुर्घटनाग्रस्त विमानाच्या अवशेषांमध्ये सापडली भगवद्गीता, एक पानही हललं नाही; Video व्हायरल

१२ जून २०२५ रोजी अहमदाबादमध्ये झालेल्या एअर इंडिया विमान अपघाताच्या ढिगाऱ्यात भगवत गीतेची एक आवृत्ती सुरक्षित राहिली. व्हिडिओमध्ये एक माणूस अहमदाबाद विमान अपघातातील ढिगाऱ्यात सापडलेल्या भगवत गीतेची पाने दाखवत आहे. यावळी एक पानही इकडचं तिकडे झालं नाहीये, भगवत गीता तशीच्या तशीच असल्याचं दिसत आहे. या विमानात अपघात झालेल्यापैकी कुण्या एका प्रवाशानं प्रवासात वाचण्यासाठी ही भगवत गीता घेतली असावी मात्र क्षणात सर्वकाही संपून गेलं.

पाहा व्हिडीओ

विमान अपघातातून वाचलेल्या विश्वास रमेश यांनी सांगितलं नेमकं काय घडलं

३९ वर्षीय विश्वास रमेश हे भारतीय वंशाचे ब्रिटिश नागरिक असून दीव येथे आपल्या भावासोबत आले होते. त्यांची पत्नी व मुलं लंडनमध्ये राहतात. अहमदाबादहून ते आपल्या भावासोबत परत निघाले होते. एअर इंडियाच्या AI 171 या विमानात 11A या सीटवर ते बसले होते. त्यांच्यासह विमानात एकूण २४२ प्रवासी होते. मेघानीनगर परिसरात विमान कोसळल्यानंतर त्यांच्यापैकी २४१ प्रवासी आणि विमानातील सर्व क्रू मेंबर्स यांचा दुर्दैवी मृत्यू झाला. या भीषण अपघातातून फक्त विश्वास रमेश बचावले.

दरम्यान, रुग्णालयात उपचार घेत असलेल्या विश्वास रमेश यांनी हिंदुस्तान टाईम्सला दिलेल्या प्रतिक्रियेमध्ये नेमकं काय घडलं याची माहिती दिली आहे. “विमानानं टेकऑफ घेतल्यानंतर पुढच्या ३० सेकंदांमध्येच मोठे आवाज यायला लागले आणि त्यानंतर अवघ्या काही क्षणांत विमान कोसळलं. मला शुद्ध आली तेव्हा माझ्या आसपास सगळीकडे लोकांचे मृतदेह होते. मी प्रचंड घाबरलो होतो. मी उठून उभा राहिलो आणि धावायला लागलो. तिकडे सगळीकडे विमानाचे जळते तुकडे पसरलेले होते. कुणीतरी मला पकडलं आणि रुग्णवाहिकेत नेलं आणि तिथून रुग्णालयात आणलं”, असं विश्वास रमेश यांनी सांगितलं.