वय कितीही असू द्या मनात फक्त जिद्द पाहिजे!नऊवारी नेसून पोहतेय आज्जी, व्हिडीओ होतोय व्हायरल

वय हा फक्त आकडा असतो, हे या व्हिडीओतू स्पष्ट दिसतेय. वयाचं बंधन न ठेवता आजी बिनधास्त पोहताना दिसत आहे. व्हिडीओत तुम्हाला नदी शेजारी उभी असलेली आजी दिसत असेल. पुढे ती या नदीत उडी मारते आणि पोहायला सुरुवात करते. विशेष म्हणजे आजीने नऊवारी नेसलेली आहे आणि नऊवारी नेसून आजी बिनधास्त पोहत आहे.सध्या आजीचा व्हिडीओ सोशल मीडियावर चांगलाच व्हायरल होत आहे.

हेही वाचा : मुलगी हीच घराची खरी भाग्यलक्ष्मी! चिमुकलीचा रोटी लाटतानाचा व्हिडीओ होतोय व्हायरल

_marathi_491 या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर कॅप्शन लिहिलेय, “वय किती पण असू द्या. जर स्वत:वर विश्वास आणि मनात जिद्द असेल तर कोणते पण काम आपण सहज करू शकतो. पोहताना आजी”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “लय भारी आजी” तर एका युजरने लिहिलेय, “खूप छान आज्जी. हीच खरी महाराष्ट्राची संस्कृती” आणखी एका युजरने लिहिलेय, “सर्वांना पोहता आलं पाहिजे”