Bride dance video goes viral: लग्न म्हणजे प्रत्येकाच्या आयुष्यातील एक खास, महत्त्वाचा असा क्षण असतो. लग्न केवळ दोन व्यक्तींना नाही तर दोन कुटुंबांना एकत्र आणतं. आणि हा क्षण फक्त नवरा-नवरीच नव्हे तर सर्वांच्या कायम लक्षात राहावा यासाठी प्रयत्न केले जातात. अगदी सध्या नवरा-नवरीसुद्धा आपल्याच लग्नात काही ना काही सरप्राइझ देण्याचा प्रयत्न करतात. प्रत्येक जण आपल्या लग्नाचा दिवस कायम लक्षात रहावा यासाठी वेगवेगळ्या पद्धतीने साजरा करतात. दरम्यान अशाच एका नवरीने आपल्याच हळदीला भन्नाट डान्स केला आहे. म्हणतात ना, आयुष्य खूप सुंदर आहे पण ते आनंदाने जगता यायला पाहिजे. व्हायरल व्हिडीओ पाहून आनंदाने प्रत्येक क्षण कसा जगता येतो हे समजेल. नवरीचा हा व्हिडीओ सोशल मीडियावर व्हायरल झाला आहे.
लग्नात हल्ली वेगवेगळे कार्यक्रम ठेवले जातात. अगदी मेहंदी, संगीत, हळद व लग्न अशा साग्रसंगीत कार्यक्रमांची मांदियाळी असते. त्यात काही ठिकाणी हळद खूप गाजवली जाते. अगदी डीजे, बॅंजो ठेवला जातो. या बेंजोवर सगळे थिरकतात, डान्स करतात मजा करतात. लग्न होऊन सासरी जाणारी नवरीदेखील अगदी या हळदीत मनसोक्त नाचते. हळद प्रत्येक नवरीसाठी अगदी खास असते.
आजकाल लग्नाचे वेगवेगळे व्हिडीओ व्हायरल होत असतात. यात काही मजेदार तर काही व्हिडीओ हैराण करणारे असतात. आता समोर आलेल्या व्हिडीओमध्ये नवरीने स्वत:चीच हळद गाजवली आहे. नवरीने स्वत:च्याच हळदीला तुफान डान्स केलाय. या व्हिडीओमध्ये तुम्ही पाहू शकता, नवरीनं “मला जाऊ द्या ना घरी आता वाजले की बारा” या गाण्यावर जबरदस्त असा डान्स केलाय. यावेळी हळदीला आलेले पाहुणेही नवरीचा डान्स पाहतच राहिले. डान्स फ्लोअरवर उतरून नवरीने कमरेला साडीचा पदर बांधून डान्स केलाय. तेव्हा तिचं टॅलेंट पाहून अनेकांना तिचं कौतुक केलंय.
पाहा व्हिडीओ
लग्नसोहळा, एखादा कौटुंबिक कार्यक्रम आणि डान्स हे आता एक समीकरणच बनलं आहे. एखाद्या घरात लग्नकार्य असलं, तर खास डान्स करण्यासाठीही विशेष कार्यक्रम ठेवण्याची पद्धत आता हळूहळू सुरू होतेय. अशा कार्यक्रमांमध्ये घरातली पुरुष मंडळीच काय, महिलादेखील डान्स करण्यात आघाडीवर असतात.
सोशल मीडियावर हा व्हिडीओ elegant_.me नावाच्या इनस्टाग्राम अकाऊंटवरुन शेअर करण्यात आला आहे. यावेळी “सगळयांच्या हळदीत नाचणारी मी, माझी हळद कशी सोडणार . झलक Of My हळद” असं कॅप्शन लिहलं आहे. यावर आता नेटकरी वेगवेगळ्या प्रतिक्रिया देत आहेत.
