Viral: बाइक घेण्याासाठी जमा केली १ रुपयाची लाखो नाणी, मोजता मोजता शोरुममधील कर्मचाऱ्यांना फुटला घाम

तरुणांना बाइक चालवण्याचं प्रचंड आकर्षण असतं. यासाठी प्रत्येकाला स्वत:ची बाइक असावी असं वाटत असतं. यासाठी एक तर तरुण घरच्यांकडे तगदा लावतात किंवा गाडी घेण्यासाठी मेहनत करतात. मात्र तामिळनाडुतील एका तरुणाने गाडी विकत घेण्यासाठी एक अनोखी शक्कल लढवली. तरुणाने एक-एक रुपयांची नाणी जमा करत २.६ लाख रुपये जमवले. तामिळनाडूतील सेलम शहरात राहणाऱ्या २९ वर्षीय व्ही. बूपाथीने बाइक घेण्यासाठी १ रुपयांची नाणी गोळा केली. बुपती एका खासगी कंपनीत कंप्यूटर ऑपरेटर आहे. तसेच एक यूट्युबरदेखील आहे. बुपतीने सांगितले की, “गेल्या ३ वर्षांपासून बाइकसाठी १ रुपयाची नाणी गोळा करत आहेत. ३ वर्षांपूर्वी बाइक घ्यायची होती. तेव्हा या बाइकची किंमत २ लाख रुपये असल्याचे सांगण्यात आले. पण माझ्याकडे पैसे नव्हते, त्यानंतर मी ठरवले की मी प्रत्येकी एक रुपया जमा करीन आणि ही बाइक घेईन.”