अजगर किंवा मगरीच्या तावडीत कोणी सापडले तर त्याचा मृत्यू अटळच आहे असे समजावे. पण ज्यावेळी या दोघांमध्येच वाद सुरू होतो. तेव्हा नेमकं कोण जिंकेल? असा प्रश्न तुम्हाला कोणी विचारला तर तुमचे उत्तर मगरच असेल. कारण अजगरापेक्षा मगर ताकदवान आणि तोंडाचा आकार तसेच दातही तीक्ष्ण आहेत. त्यामुळे मगर अजगराला अगदी सहजपणे परास्त करू शकते असे वाटते. मात्र, एका अजगाराने चक्क मगरीलाच गिळंकृत केले. ऑस्ट्रेलियातील मगर आणि अजगराच्या लढतीचे अंगावर काटा आणणारे फोटोज सध्या सोशल मिडियावर व्हायरल होत आहेत. फेसबुकवर GGwildliferescueinc या खात्यावरून हे फोटो शेअर केले आहेत. या फोटोंमध्ये अजगर कसा हळूहळू मगरीला गिळत आहे हे स्पष्ट दिसत आहे. हे फोटो पाहून सर्वच आश्चर्यचकित झाले आहेत. ऑस्ट्रेलियातील दुसऱ्या मोठ्या ओलिव पाइथनचे फोटो आहेत. मगर आणि अजगराच्या या लढाईचे फोटो सोशल मीडियावर व्हायरल झाले आहेत. लोक हे फोटो पाहून अचंबित झाले आहेत. अजगर आणि मगरीमधील लढाई सध्या सोशल मीडियावर चर्चेचा विषय ठरला आहे. नेटकरी यावर चर्चा करत आहे.
