आनंद महिंद्रा १०५ किमी सायकल चालवणाऱ्या बापाचे झाले फॅन; मुलाच्या शिक्षणाचा खर्च उचलणार

धारमधील या व्यक्तीचा फोटो सोशल मीडियावर व्हायरल झाला आहे. अनेकांनी त्या व्यक्तीच्या कर्तव्याला सलामही केला आहे. सोशल मीडियावर त्या व्यक्तीचं कौतुक सुरु असताना आंनंद मंहिद्रा यांनी कौतुक तर केलेच शिवाय त्या मुलाच्या शिक्षणाची जबाबदारीह स्वीकारली. आनंद महिंद्रा यांनी ट्विट करत याची माहिती दिली. या निर्णयामुळे नेटकऱ्यांनी आनंद महिंद्रा यांच्यावर कौतुकांचा वर्षाव केला आहे.

आनंद महिंद्रा यांनी ट्विटमध्ये लिहलेय की, ‘मुलाच्या भविष्यासाठी स्वप्न पाहणाऱ्या आणि त्यासाठी झटणाऱ्या बापाला सलाम. अशीच स्वप्नं देशाला पुढे घेऊन जातात. आमची संस्था आशिषच्या पुढील सर्व शिक्षणाचा खर्च उचलत आहे.’ आनंद महिंद्रा यांनी या कुटुंबाशी संपर्क करण्यासाठी पत्रकारांची मदत मागितली आहे.

A heroic parent. One who dreams big for his children. These are the aspirations that fuel a nation’s progress. At @MahindraRise we call it a Rise story. Our Foundation would be privileged to support Aseesh’s further Education. Could the journalist please connect us? pic.twitter.com/KsVVy6ptMU

— anand mahindra (@anandmahindra) August 20, 2020

धार जिल्ह्यातील बायडीपुरा येथील राहणारे शोभाराम यांचा मुलगा आशिष दहावीमध्ये शिक्षण घेतोय. दहावीच्या परीक्षासाठी जिल्ह्यातील फक्त धार केंद्राची निवड केली होती. करोना विषाणूमुळे सर्व बस आणि वाहतूक बंद होती. परिणामी मुलाच्या परीक्षेसाठी बापानं १०० किमीपेक्षा जास्त सायकल चालवून मुलाला परीक्षेच्या केंद्रावर पोहचवलं. या प्रवासाठी त्यांनी दोन दिवसाचं जेवण घेतलं होतं. रात्री मंदिर आणि शाळेत आराम करत ते धार येथे परिक्षेसाठी पोहचले होते.