सेल्फीच्या वेडामुळे ‘तो’ गिनीजबुकमध्ये झळकला

सेल्फी हे व्यसन बनले असे मानले तर एका वेळी एखादा व्यक्ती स्वत:चे किती फोटो काढू शकतो, याची तुम्ही कल्पना केली आहे का? जरी केली असली तरी सर्वात कमी वेळात अधिक सेल्फी काढण्याचा प्रयत्न तुम्ही नक्की केला नसेल. याच कारण सर्वाधिक कमी वेळात अधिक सेल्फी काढण्याचा व्यक्तीचा चेहरा सध्या समोर आला आहे. एका व्यक्तीने अवघ्या तीन मिनिटात १२२ सेल्फी काढण्याचा नवा विक्रम केला आहे. डोनी वाहलबर्गच्या या विक्रमाची ‘गिनीज बुक ऑफ रेकॉर्ड’ने दखल घेतली आहे. सर्वाधिक कमी वेळात त्याने सेल्फीचा नवा विक्रम प्रस्थापित केला आहे. मॅक्सिकोतील कोजेमूलमध्ये डोनी वाहलबर्गने हा नवा इतिहास रचला. यापूर्वी सिंगापूरमधील एका व्यक्तीने ३ मिनिटात ११९ सेल्फी काढण्याचा विक्रम नोंदविला होता.

अर्थातच सेल्फीचे वेड हे तुम्हाला गिनिज बुकात आपला चेहरा झळकविण्याची संधी उपलब्ध करुन देऊ शकते. हे वाहलबर्गने  दाखवून दिले आहे. सेल्फीच्या माध्यमातून गिनीज बुकमध्ये आपला चेहरा झळकण्यासाठी जीवावर स्टंटबाजी करत फोटो काढण्याची गरज नाही तर फक्त अधिक कमी वेळात म्हणजे तीन मिनिटात १२२ पेक्षा अधिक सेल्फी काढण्याचा सराव करावा लागेल.