प्रेम व्यक्त करण्याला वयाचे बंधन नसते, असे म्हणतात. वय हे फक्त तुमच्या शरीराचे असते, मन तर नेहमीच तरुण असते याचा प्रत्येय येणारा एक व्हिडीओ सध्या व्हायरल होत आहे. या व्हिडीओमध्ये एक वयस्कर जोडपं डान्स करताना दिसत आहे. विशेष म्हणजे त्यांचा डान्स आणि उत्साह तरुणांना लाजवेल असा आहे. पाहा व्हायरल होणारा हा व्हिडीओ. व्हायरल व्हिडीओ : रोबिन नकाय या युजरने इन्स्टाग्रामवर शेअर केलेल्या आलेल्या या व्हिडीओला १४ लाखांहून अधिक व्ह्यूज मिळाले आहेत. या जोडप्याचे नाव बिरिंदर आणि अमराज्योत गिल आहे. या जोडप्याच्या रोमँटिक डान्सने नेटकऱ्यांची मनं जिंकली असून, या वयातही त्यांच्यात असणारी केमस्ट्री या डान्समधून झळकत आहे. नेटकरी या केमेस्ट्रीचे कौतुक करत आहेत.