AI माणसांची जागा घेईल का? सध्या हा प्रश्न वारंवार चर्चेत येत आहे. बरं हा विषय वादाचा राहिला आहे, आणि त्यावर कोणतेही निश्चित असे उत्तर नाही. दरम्यान अशा परिस्थितीमध्ये एका महिलेने ChatGPT मुळे तिची नोकरी गमावल्याची कबुली दिली आहे, परंतु हे सर्व तिच्या एकटीसह नक्कीच घडले नाही. प्रतिभावान लेखिका आणि स्टँड-अप कॉमेडियन असलेल्या एका महिलेने अलीकडेच व्हायरल फेमच्या जगातील तिच्या अनपेक्षित प्रवासाबाबत सांगितले. कृत्रिम बुद्धिमत्ता म्हणजेच AI मुळे तिने नोकरी कशी गमावली याबाबत खुलासा केला आहे. एमिली हॅन्ली ही क्रिएटिव्ह फ्रिलान्सर अनेक वर्षांपासून कॉपीरायटर म्हणून काम करत होती, विविध ब्रँडसाठी कॉन्टेट तयार करत होती.
बिझनेस इन्सायडरला दिलेल्या मुलाखतीने एमिलीने सांगितले की, ”सुरुवातीला तिच्याकडील काम हळूहळू कमी झाले. दिवसेंदिवस तिला कमी असाइनमेंट्स मिळू लागल्य. एक लेखक म्हणून स्वतःच्या क्षमतेवर प्रश्नचिन्ह निर्माण झाले. पण नंतर तिच्या असे लक्षात आले की, दोष तिचा किंवा तिच्या कौशल्यांचा नाही. तिचे फ्रिलान्स काम कमी होण्यामागचे खरे कारण होते AI तंत्रज्ञान विशेषत: ChatGPT.
ChatGPTमुळे गमावली नोकरी, 3 महिन्यांपासून बेरोजगार
AI तंत्रज्ञानवर आधारित लेखन साधनांचा(AI-powered writing tools) निर्माण दरम्यानच्या काळात झाला त्यापैकीच ChatGPT हे कमी खर्चात कॉन्टेट तयार करण्याचे काम करू लागले ज्यामुळे अल्पावधीतच ते लोकप्रिय ठरले.
एमिली म्हणाली की, ”तिच्या अनेक ग्राहकांनी, मुख्यतः लहान व्यवसाय, स्टार्टअप आणि नुकसतेच उदयाला आलेले ब्रँड, त्यांनी त्यांच्या कॉपीरायटिंग गरजा कमी खर्चात हाताळण्यासाठी AI तंत्रज्ञानाची निवड केली. त्यामुळे लेखिकेची एकेकाळी भरभराटीस आलेली फ्रिलान्स कारकीर्द मोडकळीला आली आणि नवीन संधी शोधणाऱ्या बेरोजगारांसारखी तिची अवस्था झाली आहे.”
कितीही प्रयत्न केले तरी नवीन नोकरी मिळवणे एमिलीसाठी एक मोठी चढाओढ होती. असंख्य इंटरव्ह्यूंना तिला अपयश आले त्यामुळे ती अनेक महिने बेरोजगार राहिली. आर्थिक ताणामुळे तिला अशा स्थितीचा विचार करण्यास प्रवृत्त केले. अखेर तिने ब्रँड अॅम्बेसेडरची भूमिका स्वीकारली तिने तिच्या कामाची जाहिरात करण्याचे ठरवले आणि तिच्या क्षेत्रात नोकरीसाठी अर्ज करत राहिली.
हेही वाचा – स्टार्टअप कंपनीने काढली भरती, २ दिवसात आले ३००० अर्ज, असे काय खास आहे या नोकरीमध्ये, जाणून घ्या
एमिली सांगते की, ”ChatGPT चा उदय आश्चर्यकारक आहे, ते सुरू झाल्यापासून अवघ्या दोन महिन्यांत १०० दशलक्ष युजर्स जोडले आहेत. जसजसे अधिक लोक AI चा वापर करतात आणि सूचना देतात तसतसे ते तंत्रज्ञान आणखी सुधारणा करते. त्यामुळे तिच्यासारख्या लेखकांना आणि विविध उद्योगांमधील इतरांना खरा धोका निर्माण होतो. दुर्दैवाने, हा लेखकाचा संघर्ष एका मोठ्या ट्रेंडची फक्त सुरुवात असू शकतो. काही अहवालांनुसार, AI तंत्रज्ञानामुळे हजारो नोकऱ्या गेल्या आहेत आणि सर्जनशील उद्योग (creative industries) यापासून वाचू शकणार नाहीत.”
अखेर एमलीचा हा संघर्ष पारंपारिक नोकऱ्यांवर होणारा AI चा प्रभाव दर्शवते जिथे अगदी सर्जनशील क्षेत्रातही, जिथे कमी खर्चात मिळाणारे तंत्रज्ञान हे लेखकांच्या क्रिएटिव्हीच्या (human creativity) मूल्यापेक्षा जास्त महत्व दिले जाते आहे. तंत्रज्ञानाची प्रगती होत असताना, अधिक कामगारांना अशाच प्रकारच्या आव्हानांचा सामना करावा लागू शकतो.
