Mumbai Metro Train Accident Video: सरत्या वर्षाला निरोप दिल्यानंतर नवीन वर्षाच्या सुरुवातीलाच मुंबईच्या मेट्रो वन ट्रेनचा एक धक्कादायक व्हिडीओ समोर आला आहे. मेट्रो ट्रेनमध्ये चढताना एका तरुणीचा ट्रेनच्या दरवाज्यात ड्रेस अडकला. त्यानंतर मेट्रो ट्रेन सुरु झाल्यावर तरुणी प्लॅटफॉर्मवर फरफटत गेली. ही संपूर्ण थरारक घटना सीसीटीव्ही कॅमेरात कैद झाली असून व्हिडीओ सोशल मीडियावर व्हायरल झाला आहे. २१ ऑक्टोबरला ही घटना घडली असून याचा व्हिडीओ वेगानं इंटरनेटवर व्हायरल होताना दिसत आहे. तरुणीचा दरवाज्यात ड्रेस अडकला अन् मेट्रो ट्रेन सुरु झाली मुंबईच्या चकाला स्टेशनवर सायंकाळी सव्वाचार वाजताच्या सुमारास एक तरुणी ट्रेन अपघातातून स्वत:ला वाचवण्याचा प्रयत्न करत असल्याचं या व्हिडीओत दिसत आहे. या तरुणीचा ड्रेस मेट्रो ट्रेनच्या दरवाज्यात अडकला होता. त्यानंतर ट्रेन सुरु झाल्यावर ती तरुणी प्लॅटफॉर्मवरूनच फरफटत जात होती. त्याचदरम्यान एका प्रवाशानं तिला वाचवण्याचा प्रयत्न केल्याचं व्हिडीओत दिसत आहे. परंतु, ट्रेन वेगानं जात असल्यानं तरुणी प्लॅटफॉर्मच्या रेलिंगच्या टोकापर्यंत फरफटत गेल्याचं या व्हिडीओत पाहायला मिळत आहे. हा अपघात झाल्यानंतर तरुणीला रुग्णालयात उपचारासाठी दाखल करण्यात आले होते. नक्की वाचा - स्कुटीवर खतरनाक स्टंटबाजी करून हिरोगीरी करणाऱ्या तरुणाला चांगलीच अद्दल घडली, पाहा भन्नाट व्हिडीओ. इथे पाहा व्हिडीओ https://twitter.com/Nukkadlive1/status/1609114525562982401?ref_src=twsrc%5Etfw%7Ctwcamp%5Etweetembed%7Ctwterm%5E1609114525562982401%7Ctwgr%5E9400905378cf5a3ad099b173ce345b8b205afa17%7Ctwcon%5Es1_&ref_url=https%3A%2F%2Fzeenews.india.com%2Fhindi%2Foff-beat%2Fgirl-dress-got-stuck-in-train-door-what-happened-after-that-you-can-t-even-guess-watch-dreadful-video%2F1509636 मुंबईची लोकल ट्रेन किंवा मेट्रो ट्रेन प्रवाशांसाठी लाइफलाइनच आहे. पण या लाइफलाइन समजल्या जाणाऱ्या ट्रेनमध्ये डब्यात चढण्याची घाई काही प्रवासी करतात. पण अती घाई संकटात नेई, या सूचनेचं पालन न केलेल्या प्रवाशांचा ट्रेन अपघात झाल्याच्या अनेक घटनासमोर आल्या आहेत. अशीच घटना चकाला स्थानकावर घडली होती. डब्यात चढताना तरुणीचा ड्रेस दरवाज्याला अडकल्याने तिचा मोठा अपघात झाल्याचा व्हिडीओ समोर आला. अंगावर काटा आणणारा हा व्हिडीओ ट्रेनचे नियम मोडल्यावर काय परिणाम होतात, याचाच दाखला एकप्रकारे देताना दिसत आहे.
