Shocking video: Shocking video: रील बनवण्यासाठी हल्ली लोक कोणत्याही थराला जायला तयार असतात. या रील्सच्या नादात आतापर्यंत अनेकांनी आपला जीव गमावला आहे. पण, त्यातूनही लोक धडा घेताना दिसत नाही. लोक रीलसाठी कधी स्वत:चा तर कधी इतरांचा जीवदेखील धोक्यात टाकायला अजिबात घाबरत नाहीत. यात हल्ली रेल्वेस्थानक, ट्रेनच्या पटरीवरही अगदी बिधास्तपणे रील व्हिडीओ शूट करत असतात. असाच प्रकार समोर आला आहे, जिथे एक तरणी रील शूट करण्यासाठी थेट रेल्वे रुळावर चालत आहे. बर समोरुन भरधाव वेगात एक्सप्रेस येत आहे तरी ती रुळावरुन बाजूला झाली नाही मग शेवटी काय झालं तुम्हीच पाहा..
या व्हिडीओमध्ये तुम्ही पाहू शकता, महिला रेल्वे ट्रॅकवर उभी होती आणि ट्रेन तिच्या दिशेने वेगाने जात असताना ती व्हिडिओ बनवत होती. यावेळी ट्रेनचालक वारंवार हॉर्न वाजवत होता मात्र ती रील बनवण्यात इतकी मग्न होती की, ट्रेन आल्याचंही भान तिला राहिलं नाही. व्हिडीओचा शेवट पाहून तुम्हालाही या तरुणीचा संताप येईल.
पुढे तुम्ही पाहू शकता, ट्रेन चालकाने लगेच ब्रेक लावला आणि ट्रेन थांबवण्यात यश आले. यावेळी ट्रेनमधील प्रवासीही ही खाली उतरल्याचं दिसत आहे. या घटनेनंतर रेल्वे अधिकारी आणि स्थानिक पोलिसांना माहिती देण्यात आली. ही महिला सोशल मीडियावर व्हायरल होण्यासाठी हे धोकादायक पाऊल उचलत असल्याचे प्राथमिक तपासात समोर आले आहे. या घटनेवर रेल्वे अधिकाऱ्यांनी तीव्र नाराजी व्यक्त केली असून हा गंभीर निष्काळजीपणा असल्याचे म्हटले आहे. सर्वसामान्य जनतेने रेल्वे रुळांवर असे धोकादायक स्टंट करणे टाळावे, असे आवाहन रेल्वे प्रशासनाने केले आहे. यामुळे तुमचा जीव तर धोक्यात येतोच पण इतर प्रवाशांची सुरक्षाही धोक्यात येते. रेल्वे पोलीस आता या प्रकरणाचा तपास करत असून महिलेवर योग्य ती कारवाई करत आहेत. सोशल मीडियावर रील्स बनवण्याची क्रेझ झपाट्याने वाढत आहे, परंतु अशी धोकादायक पावले कधी कधी जीवघेणे ठरतात.
पाहा व्हिडीओ
काही लोक लाइक्स आणि व्ह्यूजच्या शर्यतीत आपला जीव धोक्यात घालण्यासही मागेपुढे पाहत नाहीत. हा व्हिडीओ सोशल मीडियावर व्हायरल झाला असून नेटकरीही संताप व्यक्त करत आहेत.
