Budget 2019: जयंत सिन्हा बोलत असताना वाकुल्या काढून दाखवणारी मुलगी सोशल मीडियावर हिट

झालं असं की अर्थसंकल्प सादर झाल्यानंतर संसदेबाहेर जयंत सिन्हा प्रसारमाध्यमांना प्रतिक्रिया देत होते. त्यांनी मोदी सरकारचं अभिनंदन करत विरोधकांवर टीका केली. यावेळी त्यांच्या मागे एक मुलगी वावरत होती. सुरुवातीला शांत उभ्या असणाऱ्या या मुलीने अचानक कॅमेऱ्याकडे पाहून वाकुल्या काढून दाखवण्यास सुरुवात केली. महत्त्वाचं म्हणजे जयंत सिन्हा किंवा आजुबाजूला असणाऱ्या कोणालाही याची कल्पनाही आली नाही. या मुलीने फक्त एकदा नाही तर तीन ते चार वेळा कृतीची पुनरावृत्ती केली.

हा सर्व प्रकार कॅमेऱ्या कैद झाला आणि सोशल मीडियावर हा व्हिडीओ व्हायरल होऊ लागला. दरम्यान अशाप्रकारे संसदेत एका नेत्याच्या मागे उभे राहून इतक्या बिनधास्तपणे वाकुल्या काढून दाखवणारी मुलगी कोण आहे असा सवाल विचारला जात आहे.