Anand Mahindra tweet: आनंद महिंद्रा यांनी गणेशोत्सवानिमित्त शेअर केलेला व्हिडीओ एकदा पाहाच, दिवस आनंदात जाईल

खरं तर, आनंद महिंद्रा यांनी ट्विटरवर महिंद्रा ट्रकची जाहिरात केली आहे, ज्यामध्ये एक ट्रक चालक बाप्पाला घरी घेऊन जात आहे. या दरम्यान तो गणपतीकडे आईच्या तब्येतीची, मुलीच्या शिक्षणाची आणि बायकोची तक्रार करताना दिसतोय. तसंच वाटेत मित्राप्रमाणे बाप्पाशी बोलत त्याला घेऊन घरी पोहोचतो.

(हे ही वाचा: Anand Mahindra Tweet: आनंद महिंद्रा यांचा नितीन गडकरींना थेट सवाल; मी बोगद्यातून जाणं पसंत करेन पण…)

येथे व्हिडीओ पहा

( हे ही वाचा: VIRAL VIDEO :तुम्ही कधी झोम्बी किडा पाहिला आहे का? नसेल, तर या भयानक कीटकाचा व्हिडीओ एकदा पहाच)

हा मनमोहक व्हिडीओ ट्विटरवर शेअर करत आनंद महिंद्रा यांनी लिहिले, भारताच्या गणेश चतुर्थीतील एक कथा..! ट्वीट शेअर केल्यानंतर अवघ्या काही तासांत या व्हिडीओला पन्नास हजारांहून अधिक व्ह्यूज मिळाले आहेत. तसंच अनेकांनी कमेंट्सच्या माध्यमातून आपल्या प्रतिक्रिया देखील दिल्या आहेत.

एका वापरकर्त्याने लिहिलंय, ‘एक हृदयस्पर्शी जाहिरात, निर्माते आणि ज्यांनी ते बनवले त्यांचे अभिनंदन.’ तर दुसऱ्या युजरने लिहिले की, ‘कुणीच्या लक्षात आलं का, की बाप्पाने सीट बेल्ट लावला आहे.’ दुसरीकडे, दुसर्‍या युजरने लिहिले की, ‘गणेश चतुर्थीचा सर्वोत्कृष्ट व्हिडीओ..! याशिवाय इतर अनेक यूजर्सनी यावर कमेंट करून आपली प्रतिक्रिया दिली आहे.