लोकल, बस, रिक्षा, उबर-ओला कॅब मधून दररोज लाखो महिला प्रवास करतात. यादरम्यान अनेकदा महिलांबरोबर गैरवर्तनाच्या घटना समोर येतात. त्यामध्ये मौल्यवान वस्तूची चोरी होणं, मुद्दामून धक्का देणं, महिलांकडे वाईट नजरेनं पाहणं, छेडछाड, त्यांच्यावर नजर ठेवून असणं, पाठलाग करणं आदी अनेक गोष्टी घडतात. पण, महिला स्वतःच्या गाडीत सुद्धा सुरक्षित नाहीत का ? असा प्रश्न आज उपस्थित झाला आहे. सोशल मीडियावर एका महिलेनं तिच्याबरोबर घडलेला एक प्रसंग सांगितला आहे. चार पुरुषांनी एका महिलेचा जवळजवळ ७ किमीपर्यंत पाठलाग केल्याची घटना घडली आहे, हरमीन सोच ही शिक्षिका राष्ट्रीय महामार्गावरून गाडी चालवत होती. तेव्हा स्कॉर्पिओ एसयूव्हीमधील चार पुरुषांनी तिचा पाठलाग केला. अगदी ७ किमीपर्यंत अज्ञात पुरुष महिलेचा पाठलाग करत होते. महिला चकवा देण्यासाठी पेट्रोल पंपावर थांबली. पण, यावेळी चार पुरुष कुठेतरी रस्त्यावर थांबले जेणेकरून महिलेला संशय नाही येणार. पुन्हा महिलेने हायवेवर तिचा प्रवास सुरु केला. हायवेवर गाडीचा वेग वाढवणे तिच्या स्वतःच्या संरक्षासाठी घातक ठरू शकले असते. त्यामुळे त्या क्षणी नक्की पोलिसांना बोलवावे की,गाडीचा स्पीड वाढवावा हे महिलेला कळायला काही मार्ग उरला नव्हता. एकदा पाहा ही व्हायरल पोस्ट. हेही वाचा…मद्यधुंद अवस्थेत पळवली कार, दुचाकीस्वारास दिलं उडवून अन्…. थरारक घटनेचा VIDEO पाहून फुटेल घाम पोस्ट नक्की बघा… पोस्टमध्ये तुम्ही पाहिलं असेल की, पोलिसांना बोलवायचे की गाडी चालवायची या मन:स्थितीत असताना तिने गाडीचा वेग वाढवण्याचा विचार केला. स्कॉर्पिओ एसयूव्हीने महिलेला मागे टाकण्यासाठी पुन्हा वेग वाढवला आणि मग महिलेनं शेवटच्या क्षणी इंडिकेटरशिवाय डावीकडे गाडी वळवली. ज्यामुळे चार पुरुष बसलेली स्कॉर्पिओ एसयूव्ही गाडी एलिव्हेटेड रोडवर गेली आणि महिलेची गाडी स्लिप रोडवर. जेव्हा दोघांचे रस्ते वेगवेगळे झाले तेव्हा महिलेच्या जीवात जीव आला व तिचे गुडघे थरथरू लागले. असा सर्व प्रसंग तिने पोस्टमध्ये सविस्तर सांगितला आहे आणि उंदीर आणि मांजरच्या खेळाची याला उपमा दिली आहे. सोशल मीडियावर ही पोस्ट @HarmeenSoch या एक्स (ट्विटर) अकाउंटवरून शेअर करण्यात आली आहे. ही घटना पंजाबमध्ये घडली आहे. या घटनेवर विचार करताना महिलेनं असे लिहिले की, 'काही पुरुषांसाठी असं करणे अगदीच मनोरंजक ठरते. पण, अनेक दिवस महिलांच्या मनात या गोष्टी घर करून राहतात आणि त्यांना त्रास देतात; याची पुरुषांना जाणीव सुद्धा नसेल ही खात्री आहे' ; अशी कॅप्शन त्यांनी पोस्टला दिली आहे. नेटकऱ्यांनी ही पोस्ट पाहून महिलेला अशा परिस्थिती असल्यावर काय केलं पाहिजे हे उपाय सुचवताना कमेंटमध्ये दिसून आले आहेत.
