Viral Video: जंगल सफारी करायला लहान मुलांपासून ते मोठ्यांपर्यंत सगळ्यांना आवडते. सफारी करणारी व्यक्ती वेळ मिळाला की, सर्वात पहिले त्याला आवडणाऱ्या जंगलाची सफारी करण्यासाठी निघतात व जंगलातील विविध प्राण्यांचे फोटो काढताना दिसतात. तर आज सोशल मीडियावर असाच एक व्हिडीओ व्हायरल होत आहे. येथे जंगलात वाईल्ड लाईफ फोटोग्राफरचा सिंहाशी सामना झाला आहे. तर या परिस्थितीचा सामना फोटोग्राफरने कसा केला चला पाहू.
व्हायरल व्हिडीओत तुम्ही पाहू शकता की, वाईल्ड लाईफ फोटोग्राफर जंगल सफारीचा आनंद घेत होता. जंगलाच्या मधोमध फोटोग्राफर फोटो क्लिक करण्यासाठी गाडीच्या बॉनेटवर बसलेला दिसतो आहे. तितक्यात जंगलातून सिंहाची एंट्री होते. सिंह आणि फोटोग्राफर एकमेकांकडे पाहत असतात. फोटाग्राफर कोणतीही हालचाल करत नाही व सिंहदेखील हे पाहतो आणि आपल्याला काही धोका नाही हे समजताच गुपचूप तिथून निघून जातो. एकदा पाहाच हा व्हायरल व्हिडीओ.
हेही वाचा…मोफत आय मास्कसाठी व्यक्तीचा जुगाड; विमानातील ‘या’ वस्तूचा केला असा उपयोग, पाहा व्हायरल पोस्ट
व्हिडीओ नक्की बघा :
जंगलातले प्राणी जेव्हा कोणाच्या समोर येतात तेव्हा अनेक जण घाबरून जातात. आरडाओरडा करतात. त्याच्यावर दगडफेक करताना, प्राण्यांना इजा पोहोचवून स्वत:चा जीव वाचवण्याचा प्रयत्न करताना दिसून येतात. पण, या वाईल्ड लाईफ फोटोग्राफरची अजब युक्ती पाहून सिंहानेसुद्धा माघार घेतली आहे, असे म्हणायला हरकत नाही.
सोशल मीडियावर ही पोस्ट @AMAZlNGNATURE या एक्स (ट्विटर) अकाउंटवरून शेअर करण्यात आली आहे. तसेच “या व्हिडीओला तुम्ही या परिस्थितीत असता तर काय केलं असतं?”; अशी कॅप्शन देण्यात आली आहे. फोटोग्राफरची युक्ती पाहून अनेक जण कमेंटमध्ये विविध प्रतिक्रिया व्यक्त करताना दिसून आले आहेत. तसेच काही जण या परिस्थितीला पाहून त्यांचे अनुभव सांगताना दिसून आले आहेत.
