गणेशोत्सव महाराष्ट्रासह संपूर्ण देशभरात दरवर्षी मोठ्या उत्साहात साजरा केला जातो. श्री गणेशाला बुद्धी, समृद्धी आणि सौभाग्याची देवता मानले जाते. महाराष्ट्र, गुजरात, ओडिशा, उत्तर प्रदेश आणि कर्नाटक अशा अनेक राज्यांमध्ये हा सण मोठ्या थाटामाटात आणि उत्साहाने साजरा केला जातो.मुंबईमधील गणेशोत्सवाची जगभरामध्ये दरवर्षी चर्चा होते. गणेशोत्सवाची धामधूम सुरू असताना राज्यभरातील गणेशभक्तांची सर्वाधिक उत्सुकता लालबागच्या राजाच्या दर्शनासाठी असते. दरम्यान, लालबागच्या राजाच्या दरबारातील एक व्हिडीओ सध्या सोशल मीडियावर तुफान व्हायरल होत असून, त्यामध्ये एक तरुणी मरता मरता वाचले असं सांगत आहे.
गणेशोत्सवाच्या दिवसात मुंबईत भाविकांची वर्दळ असते. काही प्रतिष्ठित मंडळांमधील गणपती बाप्पांच्या दर्शनासाठी देशविदेशातून भाविक गर्दी करतात. ‘ लालबागचा राजा ‘चे दर्शन घेण्यासाठी तर तोबा गर्दी होते. दरवर्षी लाखो भक्त येथे लांबच लांब रांगा लावून दर्शन घेतात. या गणेशोत्सवातील मुख्य आकर्षणांपैकी एक म्हणजे ‘लालबागचा राजा’ गणेशोत्सव मंडळ!
नवसाला पावणारा गणपती, अशी मुंबईतील लालबागच्या राजाची ओळख आहे. त्यामुळेच मुंबई आणि मुंबईबाहेरूनदेखील लालबागच्या राजाचे दर्शन घेण्यासाठी लोक येत असतात. राजाच्या दर्शनासाठी दर वर्षी लाखो लोक रांगा लावतात. लालबागचा राजा हा शहरातील गणेशोत्सवाचा केंद्रबिंदू आहे. यंदाही लालबागच्या राजाला पाहायला भाविक गर्दी करीत आहेत. सध्या व्हायरल होत असलेला हा व्हिडीओ पाहून तुम्ही लालबागच्या राजाला जाण्याआधी नक्की विचार कराल.
या व्हिडीओमध्ये तुम्ही पाहू शकता, ही मुलगी लालबागच्या राजाच्या दरबाराच्या बाहेर नुकतीच आली आहे. यावेळी ती आज मरता मरता वाचले असं सांगत आहे. लालबागचा राजा सार्वजनिक गणेशोत्सव मंडळात गणपतीचा आशिर्वाद घेण्यासाठी मोठा जमाव जमला होता, यावेळी मोठ्या प्रमाणात धक्काबुक्की झाली. ज्यामध्ये गर्दी, धक्काबुक्की, चेंगराचेंगरी दिसून येत आहे. लालबागच्या राजाचं दर्शन घेण्यासाठी मोठ्या संख्येनं लोक आल्यामुळे ही तरुणी या गर्दीत अक्षरश: चेंगरली. मात्र सुदैवानं तिला बाहेर येता आलं नाहितर गुदमरून मी मेलेच असते असं ती सांगत आहे.
पाहा व्हिडीओ
सोशल मीडियावर हा व्हिडीओ officialkomalyadav.07 नावाच्या इन्स्टाग्राम अकाऊंटवरुन शेअर करण्यात आला आहे. यावर आता लोक वेगवेगळ्या प्रतिक्रिया देत आहेत.
