“नवरा हा दगडासारखा असतो…” लॅपटॉवर लावला वडाच्या झाडाचा फोटो अन् केली पूजा; परदेशात राहणाऱ्या मराठमोळ्या तरुणीची पोस्ट व्हायरल

या व्हायरल व्हिडीओमध्ये न्युझिलंडमध्ये राहणारी मराठमोळी महिला तिने वटपौर्णिमा कशी साजरी केली, याविषयी सांगते. ती व्हिडीओत सांगते, “आज म्हटलं लग्न झालेल्या बाईसारखं दिसावं. भांगात कुंकू वैगरे भरून टिकली लावून मंगळसूत्र घालावं आणि साडी नेसावी. कारण आज वटपौर्णिमा आहे आणि वटपौर्णिमा म्हणजे मराठी लोकांचा करवाचौथ. तर या दिवसामागची कथा अशी की सत्यवान आणि सावित्री जंगलात हिंडायला बागडायला निघाले. सत्यवानाला पडले माकड चाळे आणि तो वडाच्या झाडावर मरायला चढला आणि पडून मेला आणि शेवटी मग यमराज आला आणि त्याला घेऊन जात होता तेव्हा सावित्री म्हणाली, “नको बाबा घेऊन नको जाऊ माझा गुणाचा नवरा आहे. मला हाच नवरा सात जन्मांसाठी हवा आहे” मग तिने वडाच्या झाडाची पूजा वैगरे केली आणि तिला सात जन्मांसाठी तोच नवरा मिळाला. “

हेही वाचा : VIDEO : “तुझ्यासाठी दोन शर्ट घेताना माझ्यासाठी चार साड्या अन् दोन ड्रेस घेईन” तरुणीचा भन्नाट उखाणा, व्हिडीओ होतोय व्हायरल

ती पुढे सांगते, “पण मला पडलेला प्रश्न असा की न्युझीलंडमध्ये वडाचं झाड कुठून मिळणार आणि रिस्क तर अजिबातच घ्यायची नाही कारण सात जन्मांसाठी एकच नवरा हवा आहे. मग शेवटी अक्कल लढवली, लॅपटॉवर लावला वडाच्या झाडाचा फोटो आणि केली पूजा. कारण नवरा हा दगडासारखा असतो आणि त्याला कोरून तासून मूर्ती बनवावी लागते आणि एका नवऱ्यावर प्रेम करायला एक जन्मही अपूरा पडतो बाईला तरीसुद्धा बायका म्हणतात आमचं हे आमचं ऐकतच नाही त्यांना वाटेल तेच करतात. मग एक नवरा ट्रेन करायला पूर्ण आयुष्य घालवावं लागतं मग त्याच्यासाठी परत दुसऱ्या नवऱ्यासाठी दुसरं आयुष्य घालवण्यापेक्षा हाच नवरा सातही जन्म मिळू दे”

पाहा व्हायरल व्हिडीओ

shrutika_bhosale_avishkar या इन्स्टाग्राम अकाउंटवरून हा व्हिडीओ शेअर केला आहे. या व्हिडीओवर अनेक युजर्सनी भन्नाट प्रतिक्रिया दिल्या आहेत. एका युजरने लिहिलेय, “खूप गोड आणि सात जन्मामागील कारण खूप लॉजिकल आहे. अशी हूशार बायको मिळाली अविनाश खूप नशीबवान आहे. तर एका युजरने लिहिलेय, “बाकी सर्व ठीक आहे पण कथा चुकीची सांगितली ताई” अनेक युजर्सनी या व्हिडीओवर हसण्याचे इमोजी शेअर केले आहेत.