जिवंत बिबट्याला दुचाकीला बांधलं अन् थेट रुग्णालय गाठलं, झटापटीत घडलं… थरारक व्हिडीओ व्हायरल

नेमकं काय घडलं?

TOI ने दिलेल्या माहितीनुसार, २५ वर्षीय वेणुगोपाल उर्फ मुथु दुचाकीवरून शेताकडे जायला निघाला होता. त्यावेळी त्याने शेतात असलेल्या एका बिबट्याला पाहिलं. पण तो बिबट्या आजारी असल्याचं त्याला समजलं. त्यानंतर त्याने बिबट्याला दुचाकीला बांधून उपचारासाठी पशुवैद्यकीय रुग्णालयात नेलं. परंतु, बिबट्याला दुचाकीला बांधत असताना या तरुणाला बिबट्याच्या झटापटीत दुखापत झाली.

नक्की वाचा – ‘चांद्रयान- ३’ चं लाईव्ह प्रक्षेपण पाहताना लोकांनी केला भन्नाट जल्लोष, ‘हा’ Video पाहून नक्कीच वाटेल देशाचा अभिमान

इथे पाहा व्हिडीओ

बिबट्याला दुचाकीला बांधून त्या व्यक्तीने वन अधिकाऱ्यांना याबाबत माहिती दिली. त्यानंतर वन विभागाच्या अधिकाऱ्यांनी बिबट्याला त्यांच्या वाहनात नेलं आणि उपचारासाठी पशु रुग्णालयात दाखल केलं. हासन डीसीएफ आशिष रेड्डीने म्हटलं की, बिबट्या डिहायड्रेटेड होता आणि त्याला चालताना अडचणी निर्माण होत होत्या. हा बिबट्या नऊ महिन्याचा आहे. शिकारीच्या शोधात कदाचित तो बिबट्या गावाच्या परिसरात आला असेल. बिबट्याची प्रकृती स्थीर आहे. बिबट्याला दुचाकीला बांधून नेण्याचा त्या व्यक्तीचा चुकीचा इरादा नव्हता.