बोरीवलीच्या नॅशनल पार्कमध्ये माकडानं महिलेची पर्स हिसकावली अन् काय केलं पाहा; VIDEO पाहून पोट धरुन हसाल

माकडं पर्यटकांच्या बॅगा हिसकावून घेणे असो किंवा नाश्त्याची चोरी करणे असो, माकडे यामध्ये नेहमी पुढे असतात. संजय गांधी राष्ट्रीय उद्यानात अशाच एका घटनेत, एका माकडाने एका महिलेची पर्स हिसकावून घेतली आणि आत ठेवलेल्या वस्तू बाहेर काढल्या. व्हिडिओमध्ये, माकड हातात पर्स घेऊन सगळीकडे फिरताना दिसतो. एक एक करून माकड पर्समधून वस्तू काढत आहे, कदाचित अन्नाच्या शोधात. तो बॅगेत ठेवलेल्या सर्व गोष्टी बाहेर काढतो, ओले टिश्यूज, टोपी, मेकअप पाउच आणि काही कपडे यापासून सुरुवात करतो. शेवटी, जेव्हा त्याला खायला काही मिळत नाही, तेव्हा तो माकड मिनी मेकअप बॅगची झिप उघडतो, दुसरे मिनी वॉलेट काढतो आणि पळून जातो.

पाहा व्हिडीओ

हा व्हिडिओ @travelwithbrahmi, जो इन्स्टाग्रामवर ट्रॅव्हल आणि लाइफस्टाइल इन्फ्लुएंसर आहे, ब्राह्मी कापसी यांनी पोस्ट केला होता. या व्हिडिओला नेटिझन्सकडून मजेदार प्रतिक्रिया मिळाल्या आहेत आणि तो इंटरनेटवर व्हायरल होत आहे. त्याला सुमारे १.६ दशलक्ष व्ह्यूज मिळाले आहेत आणि १२ हजार+ लाईक्स मिळाले आहेत.व्हिडिओवर खूप विनोदी कमेंट्स आहेत. एका युजरने लिहिले, ” जणू काही माकड बॅगेत त्याच्या एक्सला शोधत आहे.दुसऱ्या युजरने लिहिले, तो सनस्क्रीन शोधत आहे

 दरम्यान, यापूर्वीही माकडाच्या कारनाम्यांचे अनेक व्हिडीओ समोर आले आहेत. माकडे कधी काय करतील काही सांगता येत नाही. कधी ते खाऊ चोरून नेतात, कधी वस्तू चोरतात, कधी हल्ला करतात, असे त्यांचे निरनिराळे रुप आणि व्हिडीओ समोर येत राहतात.