Mumbai Local Train : मुंबईसाठी लोकल हा जिव्हाळ्याचा विषय आहे. मुंबईची लाइफलाइन असणाऱ्या लोकलमधून दरदिवशी हजारो लोक प्रवास करतात. या मुंबई लोकलमधील अनेक व्हिडीओ सोशल मीडियावर व्हायरल होत असतात. काही व्हिडीओ तर थक्क करणारे असतात. सध्या सोशल मीडियावर एक व्हिडीओ चांगलाच व्हायरल होत आहे. या व्हिडीओमध्ये काही लोकांचा एक समुह लोकल ट्रेनमध्ये भजन गीत गाताना दिसत आहे. त्यांचे हे भजन ऐकून तुम्हीही दंग व्हाल.
या व्हायरल व्हिडीओमध्ये तबल्याच्या तालावर एक व्यक्ती भजन गीत गाताना दिसत आहे आणि त्यांच्या आजुबाजूला असणारे मंजीरा वाजवून त्यांना सुर देत आहेत. व्हिडीओत तुम्हाला दिसेल की हे सर्व “एकवीरेची पाहत होते वाट..” हे सुरेख भजन गीत गात आहेत. त्यांचा सुमधूर आवाज ऐकून तुम्हीही थक्क व्हाल.
हा एकच व्हिडीओ नाही तर असे अनेक व्हिडीओ आहे. त्यात ते लोकलमध्ये भजन गीत गात आहेत. लोकलमध्ये भजनाची ही अनोखी परंपरा ही लोक जपत आहेत. त्यांच्या या स्तुत उपक्रमाचे सोशल मीडियावर खूप कौतुक केले जात आहेत.
हेही वाचा : “लोणच्यामध्ये आवडते मला कैरीची फोड…” बायकोचा उखाणा ऐकून नवरा चक्क लाजला, व्हिडीओ एकदा पाहाच…
suhas_bandagale_19 या इन्स्टाग्राम अकाउंटवरुन हा व्हिडीओ शेअर करण्यात आला असून या अकाउंटवर लोकल ट्रेनमधील असे अनेक भजनाचे व्हिडीओ शेअर केले आहेत. या व्हायरल व्हिडीओवर अनेक युजर्सनी प्रतिक्रिया दिल्या आहेत.
एका युजरने लिहिलेय, “अशा माणसांमुळेच आपल्या रुढी, परंपरा टिकून आहेत” तर एका युजरने लिहिलेय, “हा व्हिडीओ बघून सगळं टेन्शन गेलं” आणखी एका युजरने लिहिलेय, “हा सुख सोहळा स्वर्गी नाही”
