Shocking Viral Video: जगात आईसारखं निस्वार्थ प्रेम कुणाचंही नसतं असं म्हणतात आणि म्हणूनच एखाद्या मुलासमोर त्याच्या आईबरोबर घडलेली भीषण घटना हे कोणत्याही माणसाच्या आयुष्यातील सर्वात मोठं दुःख असतं. उत्तर प्रदेशातील आग्रा येथे असंच काहीतरी घडलं आहे. एका मुलाने आपल्या डोळ्यांसमोर आईसोबत घडलेलं असं दृश्य पाहिलं, जे केवळ शब्दात मांडणं कठीण आहे. काही सेकंदांत सर्व काही बदललं आणि आनंदाचा क्षण अचानक भीती, धक्का आणि हतबलतेत बदलून गेला. हे काय घडलं, कसं घडलं आणि का घडलं, याचा उलगडा झाल्यावर कोणाच्याही अंगावर काटा येईल…
रोजच्या धावपळीच्या आयुष्यात आपण असंख्य अपघातांच्या बातम्या ऐकतो. पण, काही घटना अशा असतात की त्या डोळ्यांसमोर उभ्या ठाकतात आणि अंगावर काटा आणतात. अशीच एक हृदय पिळवटून टाकणारी घटना आग्रा येथे घडली आहे. पेट्रोल पंपावर पेट्रोल भरायला गेलेल्या मुलाच्या नजरेसमोरच त्याच्या आईला कारचालकाने अक्षरशः चिरडून ठार मारले. या भीषण अपघाताचा व्हिडीओ तिथल्या CCTV कॅमेऱ्यात कैद झाला असून तो सोशल मीडियावर प्रचंड व्हायरल होत आहे.
नेमकं काय घडलं?
प्रत्यक्षदर्शींच्या माहितीनुसार, मृत महिला मुन्नीदेवी या आपल्या मुलासोबत पेट्रोल पंपावर आल्या होत्या. मुलगा बाईकमध्ये पेट्रोल भरत असताना त्याची आई शेजारीच जमिनीवर बसली होती. एवढ्यात पाठीमागे उभी असलेली एक कार अचानक सुरू झाली. चालकाने क्षणभरही आजूबाजूला पाहण्याची तसदी घेतली नाही आणि काही सेकंदांतच गाडीने थेट समोर बसलेल्या महिलेला चिरडलं.
थरकाप उडवणारे CCTV फुटेज
कॅमेऱ्यात दिसतं की, एक कार महिलेकडे जाताना दिसतेय आणि क्षणातच जमिनावर बसलेल्या महिलेच्या अंगावरुन कार जाताना दिसतेय. पेट्रोल पंपावरील काही लोकांनी महिलेला वाचवण्याचा प्रयत्न केला, पण तोपर्यंत खूप उशीर झाला होता. संपूर्ण दृश्य डोळ्यांवर विश्वास बसणार नाही असं होतं.
धावपळ आणि आक्रोश
क्षणभरात पेट्रोल पंपावर किंकाळ्या, धावपळ आणि गोंधळ उडाला. स्वतःच्या डोळ्यांसमोर आईला कारखाली दबलेलं पाहून मुलगा स्तब्ध झाला. परिसरात शोककळा पसरली. स्थानिक नागरिक संतापले आणि त्यांनी चालकाच्या बेपर्वा वागणुकीवर प्रश्नचिन्ह उपस्थित केले.
पोलिसांची कारवाई
घटनेची माहिती मिळताच पोलिस तातडीने घटनास्थळी दाखल झाले. फुटेज ताब्यात घेण्यात आलं असून आरोपी चालकाची ओळख पटवण्याचे प्रयत्न सुरू आहेत. पोलिसांनी आश्वासन दिलं आहे की या घटनेतील दोषींवर कठोर कारवाई केली जाईल.
लोकांमध्ये संताप
या अपघातानं स्थानिक नागरिकांना निष्पाप महिलेचा जीव गेला आणि मागे राहिलं ते फक्त वेदनादायी स्मरण. लोक प्रश्न विचारतायत – शेवटी कधी सुधारतील हे निष्काळजी चालक? का प्रत्येक वेळी सामान्य माणसालाच बेपर्वाईची किंमत मोजावी लागते?
येथे पाहा व्हिडीओ
एक गोष्ट मात्र निश्चित – पेट्रोल पंपावर घडलेला हा अपघात लोकांच्या मनात अजून बराच काळ भीती, संताप आणि अस्वस्थता निर्माण करणार आहे.
