Shocking video: रुग्णसेवा देणाऱ्या प्रत्येकाला आपण देव मानतो. डॉक्टर, डॉक्टरेतर कर्मचारी आपल्याला सर्व आजारपणातून बाहेर काढतात, असं आपण मानतो. त्यांना आपण ‘देवमाणूस’ म्हणतो. अर्थात, काही डॉक्टर हे स्वत:ला रुग्णसेवेत झोकूनही देतात. दरम्यान, सध्या एक अतिशय धक्कादायक आणि रुग्णालयातील पेशाला काळिमा फासणारी घटना समोर आली आहे. मीरा-भाईंदर येथील मातोश्री इंदिराबाई बाबुराव सरनाईक कॅशलेस एमबीएमसी हॉस्पिटलमधील एक धक्कादायक व्हिडिओ सोशल मीडियावर व्हायरल झाला आहे, ज्यामध्ये एक महिला डॉक्टर हृदयरोग्याला अतिशय वाईटरित्या ओरडत आहे. याचा संतापजनक व्हिडीओही सध्या सोशल मीडियावर व्हायरल होतोय.
या व्हिडीओमध्ये तुम्ही पाहू शकता, हॉस्पिटलमध्ये असलेला रुग्ण अगदी त्रासलेल्या अवस्थेत, “मी मरत आहे” असे म्हणत असल्याचे ऐकू येते. यावर, डॉक्टर नकारार्थी उत्तर देतात, “मग खाली जा आणि त्याच्याशी बोला.” जेव्हा रुग्ण रुग्णालयातील कर्मचाऱ्यांशी आधीच बोलल्याचे सांगतो, तेव्हा डॉक्टर त्यांच्यावर मोठमोठ्यानं ओरडत, “मी तुम्हाला डिस्चार्ज देण्यास सांगितले आहे. जा इथून, तुम्ही मला का सांगत आहात? तुम्ही मला देवाला घाबरण्यास सांगत आहात. मी का घाबरावे?” डॉक्टरांच्या कठोर स्वराने पेशंटही अतिशय निराश आणि हतबल झालेले दिसत आहेत. डॉक्टरांच्या अशा वागणूकीवर सर्वांनी संताप व्यक्त केला आहे.
पाहा व्हिडीओ
हा व्हिडिओ नावाच्या एक्सअकाऊंटवरुन शेअर करण्यात आला असून यावर लोक मोठ्याप्रमाणात टीक करत आहेत. एका वापरकर्त्याने लिहिले की डॉक्टरला तिच्या वर्तनासाठी “शिस्त लावली पाहिजे किंवा काढून टाकले पाहिजे”, रुग्णालयामध्ये असे वर्तन अस्वीकार्य आहे यावर भर दिला. दुसऱ्या वापरकर्त्याने याला वैद्यकीय सेवेतील घटत्या संवेदनशीलतेबद्दल “वास्तविकता तपासणी” म्हटले. काहींनी वैद्यकीय क्षेत्रातील वाढत्या अहंकारावर टीका केली आणि म्हटले की, “डॉक्टर स्वतःला देव मानू लागले आहेत.” एका वापरकर्त्याने स्थानिक नेत्यांना टॅग केले आणि विचारले की एमबीएमसी अशा घटनांवर लक्ष ठेवत आहे का. इतरांनी मोफत बीपीएल उपचार सुविधांच्या स्थितीबद्दल नाराजी व्यक्त केली आणि असे सुचवले की जर रुग्णांना सन्मानाने वागणूक दिली जात नसेल तर अशा योजनांचे पुनर्मूल्यांकन केले पाहिजे.
