Unhygienic vegetables video : सगळ्या भाज्या खाल्ल्या पाहिजेत, असं म्हणत आपण आहारात सर्व भाज्यांचा समावेश करण्याचा प्रयत्न करीत असतो. आपल्या आरोग्याच्या दृष्टिकोनातून हा विचार करीत असलो तरी त्याची दुसरी बाजू गंभीर आहे. कारण- भाजी मंडईभोवती अस्वच्छता वाढली आहे. त्यामुळे आरोग्यासाठी फायदेशीर असलेल्या पालेभाज्या आरोग्यासाठी अपायकारक ठरत असून, ग्राहक भाजी घेतात की आजार, असा प्रश्‍न उपस्थित झाला आहे. पावसाळ्यात खात असलेल्या भाज्यांबाबत खूप काळजी घेणे आवश्यक आहे. इथपर्यंत ठीक होतं; मात्र सध्या समोर आलेला व्हिडीओ पाहून भाज्या खायच्या बंदच करायच्या, असा सवाल उपस्थित होतोय. कारण- आता विक्रेते बाजारात जीवघेण्या भाज्याही विकत आहेत. नुकत्याच समोर आलेल्या व्हिडीओमध्ये कोबी आपल्यासाठी कसा जीवघेणा ठरू शकतो दाखवणारा एक व्हिडीओ समोर आला आहे. हा व्हिडीओ पाहून तुम्ही कोबी घेताना १०० वेळा विचार कराल हे नक्की…
या व्हिडीओमध्ये तुम्ही पाहू शकता, विक्रेते बाजारात जो कोबी विकतात त्यातमध्ये अक्षरश: पावसामुळे किडे, अळ्या झालेल्या आहेत. कोबीच्या पानांमध्ये हे लपलं जातं आणि इथेच आपण फसतो. वरुन चांगला दिसणारा कोबी आतून मात्र जीवघेणा असतो. काही किटाणू असे असतात जे आपल्या डोळ्यांना दिसतही नाही. त्यामुळे हेच आपल्या पोटात जातात आणि पावसाळ्यात वेगवेगळे आजार पसरतात. यामुळेच यापुढे पावसाळ्यात कोबी खाताना शंभर वेळा विचार करा.
कोबी विकत घेताना आता १०० वेळा विचार कराल
बाजारात आधीच मोठ्या प्रमाणावर आपली फसवणूक होत असते. भेसळयुक्त पदार्थ, प्रक्रिया केलेले पदार्थ खाण्याशिवाय आता आपल्याला पर्याय नाह. कारण- आता सर्वच पदार्थांमध्ये भेसळ केली जाते. त्यामुळेच हल्ली आजारी पडण्याचं प्रमाण वाढलं आहे.
पाहा व्हिडीओ
हा व्हिडीओ सोशल मीडियावर व्हायरल होत असून, नेटकरी यावर संताप व्यक्त करीत आहेत. उद्या आपल्यासोबतही हे घडलं, तर आश्चर्य वाटायला नको, अशी प्रतिक्रिया एका युजरनं दिली आहे. हा व्हिडीओ call_me_taru या अकाउंटवरून शेअर करण्यात आला असून, त्याला आतापर्यंत लाखो व्ह्युज मिळाले आहेत.
