Shocking video: नुकताच दिवाळीचा सण पार पडला अशातच सोशल मीडियावर वेगवेगळे व्हिडीओ व्हायरल झाले, मात्र यातच एक असा व्हिडीओ समोर आलाय जो पाहून तुम्हालाही संताप येईल. अनेकदा तुम्ही लोकांना असं म्हणताना ऐकलं असेल की प्राणी हेच माणसांचे सर्वात जवळचा मित्र असतो. त्यांच्या इतकं ईमानदार कोणीच असू शकत नाही. मात्र, अनेक लोक असे असतात ज्यांना प्राण्यांबद्दल अजिबातही प्रेम वाटत नाही. प्राण्यांना त्रास देण्यात त्यांना मजा येते. नुकताच असाच एक व्हिडिओ व्हायरल झाला आहे.
सोशल मीडियाचे जग मजेदार फोटो आणि प्राण्यांच्या व्हिडिओंनी भरलेले आहे. ज्या लोकांना प्राण्यांची खूप आवड आहे, ते अनेकदा त्यांचे फोटो आणि व्हिडिओ सोशल मीडियावर बघण्यात घालवतात. असे लोक पाळीव प्राण्यांना घरातील सदस्य मानतात आणि त्यांना सांभाळतात. तर असेही काही लोक आहेत जे या मुक्या प्राण्यांना त्रास देण्याचा आनंद घेतात. मात्र दुसरीकडे असेही विकृत लोक असतात जे कोणत्याही थराला जातात. अशाच एका ठिकाणी काही तरुणांनी चक्क बेडकाच्या तोंडात आग लावली आहे. याचा व्हिडीओ सध्या सोशल मीडियावर व्हायरल झाला असून व्हिडीओ पाहू सगळेच संतापले आहेत.
फटाक्यांचा आवाज पाळीव प्राण्यांसाठी खूप त्रासदायक ठरू शकतो. मात्र याठिकाणी तर चक्क अतिशय विकृत प्रकारे स्वत:च्या आनंदासाठी तरुणांनी हे धक्कादायक कृत्य केलंय. या व्हिडीओमध्ये तुम्ही पाहू शकता, काही तरुणानं जिवंत बेडकाला पकडलं आहे आणि त्याचं तोंड उघडलं आहे. यावेळी एकानं एका फटाका घेतला त्याच्या तोंडात ठेवला आणि पेटवला. यानंतर बेडकाला खाली सोडून दिलं, पुढे बेडूक तो फटाका काढण्याचा प्रयत्न करतोय मात्र तेवढ्यात तो फटाका त्याच्या तोंडातच फुटतो आणि क्षणातच त्याचा मृत्यू होतो. अतिशय क्रूरपणे हा प्रकार करण्यात आला आहे. हा थरारक व्हिडीओ पाहून तुमच्याही अंगावर काटा येईल.
पाहा व्हिडीओ
सोशल मीडियावर हा व्हिडीओ montu.paliwal नावाच्या इन्स्टाग्राम अकाऊंटवरुन शेअर करण्यात आला आहे. यावर नेटकरीही वेगवेगळ्या प्रतिक्रिया देत आहेत. एकानं प्रतिक्रिया दिलीय, “घाबरु नको शेवटी इथेच फेडायच ए तुला, देवापेक्षा कर्म मोठे आहेत भाऊ हिशोब होणार” तर आणखी एक म्हणतो, “एक वेळ देव माफ करेल पण कर्म प्रत्येक पापाचं हिशोब ठेवतो”
