Shocking video: जंगल सफारीचा अनुभव हा प्रत्येकासाठी खास आणि अविस्मरणीय अनुभव असतो. प्रत्येकाला आयुष्यात एकदा तरी हे अनुभवायचे असते. खरं तर, लोक जंगलात जाऊन धोकादायक प्राणी बघायला खूप घाबरतात. पण तरीही ते जंगल सफारी करतात. कारण वेगवेगळे प्राणी आणि त्यांचे जीवन जवळून पाहायला मिळते. मात्र, सफारीदरम्यान काही हिंस्र प्राणी वाहनाजवळ येऊन उभे राहून माणसावर हल्ला करण्याची वाट पाहत असल्याचेही अनेकदा दिसून आले आहे.असाच एक व्हिडीओ इंटरनेटवर व्हायरल होत आहे, जो पाहून तुम्हालाही धडकी भरेल.
१५ ऑगस्ट रोजी बेंगळुरूच्या बन्नरघट्टा बायोलॉजिकल पार्क (बीबीपी) येथे वन्यजीव सफारी दरम्यान एका १३ वर्षांच्या मुलावर बिबट्याने हल्ला केला. बोम्मासंद्रा येथील रहिवासी असलेला हा मुलगा त्याच्या पालकांसोबत एका सफारी बसमध्ये प्रवास करत असताना अचानक बिबट्याने गाडीवर झडप घातली आणि त्याच्या हातावर हल्ला केला.व्हिडीओमध्ये तु्म्ही पाहू शकता, बिबट्या सुरुवातीला सफारी ट्रॅकच्या कडेला शांतपणे बसलेला दिसतो, कारण वाहने जवळून जात होती. काही क्षणातच, शिकारी एका बसजवळ आला, त्याच्या मागच्या पायांवर उभा राहिला आणि जाळीदार खिडकीतून त्याचे पंजे आत घुसवले. निष्काळजीपणे खिडकीबाहेर हात ठेवणाऱ्या मुलावर बिबट्यानं हल्ला केला. बिबट्याने त्याच्या तीक्ष्ण नखांनी त्याचा हात पकडला, ज्यामुळे गाडीत भीती पसरली.
पाहा व्हिडीओ
सफारी चालकाने ताबडतोब बस पार्कच्या मुख्यालयाकडे वळवली आणि जखमी मुलाला जिगानी येथील जवळच्या रुग्णालयात नेण्यात आले. डॉक्टरांनी मुलाला पंजाच्या दुखापती झाल्याची पुष्टी केली परंतु खोल जखमा किंवा संसर्ग होण्याची शक्यता नाकारण्यासाठी त्याला प्राथमिक उपचार आणि पुढील वैद्यकीय तपासणी करण्यात आली. त्याच्या जखमा किरकोळ असल्याचे सांगितले आहे. पार्क अधिकाऱ्यांनी कबूल केले की परिस्थिती सहजपणे प्राणघातक ठरू शकते.
बीबीपीचे कार्यकारी संचालक ए.व्ही. सूर्य सेन यांनी भविष्यात अशा घटना टाळण्यासाठी सुधारणात्मक पावले उचलली जात असल्याचे सांगितले. परंतु प्रवाशांनी जाळीच्या बाहेर हात ठेवणे अशा चुकांमुळे धोका वाढतो.सेन यांच्या मते, सफारी वाहनांवर चढून खिडकीच्या जाळीला चिकटून राहणे हे असामान्य नाही, परंतु दुखापतींच्या घटना अत्यंत दुर्मिळ आहेत. हल्ल्याच्या पार्श्वभूमीवर, पार्क व्यवस्थापनाने कडक देखरेख करण्याचे आदेश दिले आहेत, चालकांसाठी सुरक्षा मार्गदर्शक तत्त्वे अधिक कडक केली आहेत आणि कॅमेरा स्लॉटसह सर्व नॉन-एसी बसेसवरील जाळीच्या आच्छादनांची पुन्हा तपासणी करण्याचे आदेश दिले आहेत.
