Facebook चं नवं नाव Meta वरून सोशल मीडियात कहर, नेटकऱ्यांच्या क्रिएटिव्हीला बहर, एकापेक्षा एक मीम्स शेअर

फेसबूकचं री-ब्रँड केलं गेलं आहे. यापुढे फेसबुक आता ‘मेटा’ नावाने ओळखण्यात येणार आहे, याची माहिती खुद्द फेसबुकचे सीईओ मार्क झुकरबर्ग यांनी दिली आहे. त्यानंतर सोशल मीडियावर युजसर्नी मात्र वेगवेगळ्या मीम्सचा अक्षरशः पाऊस पाडण्यास सुरूवात केलीय.

meta-facebook-memes

आजच्या काळात निम्म्याहून अधिक लोक फेसबुक या सोशल मीडिया प्लॅटफॉर्मवर उपस्थित आहेत आणि अनेक जण सक्रिय सुद्धा असतात. हे एक असं व्यासपीठ आहे जिथे देशातील ज्येष्ठांपासून लहान मुलांपर्यंत प्रत्येकजण आपले विचार मांडत असतात. तुम्हा सर्वांना माहित असेलंच की फेसबुक गेल्या १७ वर्षांपासून याच नावानं ओळखलं जात होतं, परंतु आता ते री-ब्रँड केलं गेलं आहे. होय, हे अगदी खरंय. यापुढे फेसबुक आता ‘मेटा’ नावाने ओळखण्यात येणार आहे, याची माहिती खुद्द फेसबुकचे सीईओ मार्क झुकरबर्ग यांनी दिली आहे.

आणखी सांगायचं झालं तर नव्या कंपनीचं लक्ष आता एक मेटाव्हर्स तयार करण्यावर असणार आहे. ज्यात असं आभासी जग सुरू करण्यात येणार आहे जिथे ट्रान्सफर आणि कम्यूनिकेशनसाठी विविध टूल्स वापरण्यात येणार आहेत. फेसबूकच्या नव्या नावाची ही बातमी येताच सोशल मीडिया यूजर्सनी मात्र वेगवेगळ्या मीम्सचा अक्षरशः पाऊस पाडण्यास सुरूवात केलीय.

फेसबुकच्या या नव्या हालचालीसंदर्भात ट्विटरवर खिल्ली उडवली जात आहे. फेसबूकला कंटाळून ट्विटरवर उड्या घेणारे युजर्स पुन्हा एकदा फेसबुकचा आनंद घेताना दिसून येत आहेत तर काही युजर्स मजेदार मीम्स शेअर करत आहेत. फेसबुक रि-ब्रँडिंग करून मुख्य मुद्द्यांवरून लक्ष हटवत असल्याचंही काही युजर्सचं म्हणणं आहे. जगभरातील सोशल मीडियावर #Meta हा हॅशटॅग ट्रेंडवर आहे. या हॅशटॅगसोबत युजर्सनी क्रिएटिव्ह स्पिन देण्याचा प्रयत्न केला, तर काही युजर्सना ‘फेटा’ आणि ‘मीट’ सारख्या शब्दांसोबत ब्रँडच्या लोगोला फोटोशॉप करण्याचा मोह आवरता आला नाही.

इथे पाहा काही मजेदार मीम्स:

यापुर्वी Google ने सुद्धा असाच प्रयत्न केला होता. Google ने आपल्या सर्व सेवांसाठी अल्टाबेट इंक (अल्फाबेट इंक.) नावाची पॅरेंट कंपनी तयार केली होती. २००४ मध्ये मार्क जकरबर्गने सांगितलं होतं की, फेसबुकचं भविष्य मेटावर्स कॉन्सेप्टमध्ये असणार आहे. मेटेवर्सचा अर्थ आहे की, एक असं जग ज्यात सर्व लोक फिजिकली उपस्थित नसूनही असल्यासारखे असतील. मेटावर्स हा शब्द वर्चुअल रिअॅलिटी आणि ऑग्युमेंट रिअॅलिटी सारखाच आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Trending globally facebook name change to meta laughing memes jokes viral on mark zuckerbergon twitter prp

Next Story
पाहा: वधू आणि तिच्या भावाचा संगीत सोहळ्यातील धम्माल परफॉर्मन्सBride and brother pull of epic wedding dance , संगीत सोहळा, video goes viral , bride and her brother perform a Bollywood medley at the Sangeet, Loksatta, Loksatta news, Marathi, marathi news
ताज्या बातम्या