एका लग्नाची विचित्र गोष्ट! २५ लाखांचा खर्च करुनही ते दोघे पती-पत्नी बनले नाहीत

त्यामुळे हे दोघेही अधिकृतपणे पत्नी-पत्नी अद्याप झाले नाहीत. याला कारणीभूत एक विवाह अधिकारी आहे. आश्चर्याची बाब म्हणजे हा विवाह अधिकारी नवरदेवाचे आजोबा आहेत. दरम्यान, आता आजोबांनी केलेली चूक सुधारण्यासाठी नवदाम्पत्याला कोर्टात हेलपाटे मारावे लागणार आहेत. मिळालेल्या माहितीनुसार ही विचित्र घटना अमेरिकेच्या आहियो राज्यात घडली असून आजतकने याबाबत माहिती दिली आहे.

हेही पाहा- वेड्या बहिणीची वेडी माया! भावंडांना वाचवण्यासाठी चिमुरडी बनली सुरक्षाभिंत; पाहा Viral Video

मैडलिन बाउचर आणि बिल स्मिटली यांचा नुकताच विवाहसोहळा पार पडला. त्यांनी त्यांच्या आजोबांच्या चुकीमुळे घडलेला किस्सा व्हिडिओद्वारे शेअर केला आहे. व्हिडिओमध्ये बाउचर म्हणतो की, ‘आम्ही लग्नात खूप खर्च केला, पण आमचे लग्न झाले नाही. आजोबांनी ऑक्टोबरमध्ये स्मिटलीबरोबर माझे लग्न लावून दिले. परंतु स्थानिक नगरपालिकेकडे विवाह परवाना दाखल करण्यास ते विसरले आणि त्याची माहिती आम्हाला आता मिळाली, जेव्हा माझ्या पत्नीला विमा योजनेत जोडता यावे म्हणून लग्नाची कागदपत्रे शोधत होतो तेव्हा.

हेही पाहा- Video: पाण्याच्या टाकीत जळतं लाकूड टाकताच रॉकेटसारखी बाहेर पडली आग; जीव वाचवण्यासाठीची तरुणाची धावपळ कॅमेऱ्यात कैद

तर त्याची पत्नी स्मिटली एक कागद दाखवत म्हणते, ‘लग्न अधिकाऱ्यांना लग्नाचे काही कागद कोर्टात पाठवायचे होते. ज्यामुळे आमचे लग्न वैध ठरवले जाणार होते. शिवाय ती प्रक्रिया ९ दिवसांमध्ये करायची होती ती राहून गेली आहे. महत्वाची बाब म्हणजे नवऱ्याचे आजोबाच लग्न अधिकारी होते हे देखील तीने सांगितलं आहे. दरम्यान, या जोडप्यासोबत घडलेल्या घटनेमुळे नेटकरी अनेक मजेशीर कमेंट करत आहेत. एका यूजरने लिहिलं आहे की, आजोबांनी सर्व काही जाणूनबुजून केलं. तर आणखी एकाने म्हटलं आहे की ‘कदाचिक नवरदेवाला लग्न न करण्यासाठीचा हा शेवटचा इशारा असेल.’