Bullet bike turns bicycle viral video: दिवसेंदिवस वाढणाऱ्या महागाईच्या भडक्यामुळं सामान्य नागरिक होरपळून निघाले आहेत. दैनंदिन जीवनातील प्रवासात अविभाज्य घटक असणारी वाहने पेट्रोलशिवाय चालत नाहीत. अशातच पेट्रोलचे भाव गगनाला भिडले असल्याने वाहनचालकांच्या नाकीनऊ आले आहेत. सर्व बाजूंनी महागाई वाढत असल्यानं संसाराचा गाडा हाकण्यात सामान्य माणसाची पुरती दमछाक झालीय. अशाच प्रकारचा एक भन्नाट व्हिडीओ सोशल मीडियावर व्हायरल झाला आहे. एका तरुणाने चक्क बुलेटलाच सायकल बनवल्याचा व्हिडीओ व्हायरल झाला आहे. एक तरुणी त्याच्या मित्राला बुलेट सायकलवर घेऊन मस्त सवारी करताना व्हायरल झालेल्या व्हिडीओत दिसत आहे. व्हिडीओ पाहिल्यानंतर नेटकरी म्हणाले, पेट्रोलचे भाव वाढले अन् परिस्थिती बदलली दोन मुलं रस्त्यावरून बुलेट-सायकलची सवारी करताना व्हिडीओत दिसत आहेत. व्हिडीओच्या सुरुवातीला असं वाटतं की, हा तरुण रस्त्यावरून बुलेटनेच प्रवास करत आहे. पण त्या तरुणाची बुलेट सवारी कॅमेराच्या जवळ आल्यावर कळंत, की बुलेट नव्हे, ही तर पायंडल मारणारी सायकल. हा मजेशीर व्हिडीओ सोशल मीडियावर तुफान व्हायरल झाला आहे. या व्हिडीओला लाखोंच्या संख्येत व्यूज मिळाले असून नेटकऱ्यांनी भन्नाट प्रतिक्रियांचा वर्षावही केला आहे. इन्स्टाग्रामवर हा व्हिडीओ अपलोड करण्यात आला आहे. व्हिडीओ पाहिल्यानंतर एका नेटकऱ्याने भन्नाट प्रतिक्रिया देत म्हटलंय, "पेट्रोल महाग झाल्यामुळं अशी परिस्थिती निर्माण झाली आहे." तर दुसऱ्या एका नेटकऱ्याने म्हटलं, "खूपच टॅलेंटेड देश आहे आपला. प्रत्येक ठिकाणी टॅलेंटेड माणसं मिळत राहतात." नक्की वाचा - Video: भर लग्नमंडपात भरली व्यायामशाळा, नवरीला पुल-अप्स मारताना पाहून वऱ्हाडी चक्रावले, नवऱ्याने केलं असं काही… इथे पाहा व्हिडीओ https://www.instagram.com/reel/CmQ76LEhVQU/?utm_source=ig_embed&ig_rid=fbfe31d9-4bfd-4a16-a86d-936cc817ae1d @prince_raj9927 नावाच्या युजरने अशाच प्रकारचा व्हिडीओ इन्स्टाग्रामवर काही दिवसांपूर्वी शेअर केला होता . तो व्हिडीओ पाहिल्यानंतर नेटकऱ्यांनी भन्नाट प्रतिक्रियाही दिल्या होत्या. तो व्हिडीओही सोशल मीडियावर जबरदस्त गाजला होता. कारण ९ लाखांहून अधिक लाईक्स त्या व्हिडीओला मिळाले होते. सोशल मीडियावर काही ना काही जुगाड करुन वाहने बनवण्याचे व्हिडीओ व्हायरल झालेले आपण पाहिले असतील. पण अशाप्रकारचा व्हिडीओ याआधी तुम्ही कदाचित पाहिला नसेल. कारण पेट्रोलचे वाढणारे दर पाहता लोकांच्या डोक्यात पैसे वाचवण्यासाठी भन्नाट कल्पना येतात. आणि एका व्यक्तीने बुलेटलाच सायकल बनवण्याचा जुगाड व्हिडीओत पाहिल्यानंतर सर्वांनाच आश्चर्याचा धक्का बसला आहे.
