गेंड्याला पाहताच दोन सिंहांना फुटला घाम; जवळ येताच केलं असं की, जंगलातील व्हिडीओ पाहून तुम्हीही म्हणाल, शेवटी राजा कोण?

आयुष्यात प्रत्येकाला संकटाला सामोरं जावं लागतं. सगळ्यांच्या समोर कधी ना कधी एक मोठं संकट उभं राहतं. प्रत्येकाला त्यातून बाहेर निघायचं असतं, सगळेचं प्रयत्न करतात. परंतु, प्रत्येकाला यश मिळतं असं नाही. सगळ्यात जास्त संघर्ष प्राण्यांना जंगलात करावा लागतो. सिंह हा जंगलाचा राजा आहे हे सर्वांना माहीत आहे. मोठे प्राणीही सिंहापुढे शरण जातात. पण, आता असा व्हिडीओ सोशल मीडियावर व्हायरल होत आहे, जो पाहून तुम्हाला विश्वास बसणार नाही.

सध्या सोशल मीडियावर सिंह आणि गेंड्याचा एक व्हिडीओ व्हायरल होत आहे, ज्यामध्ये दोन सिंह मांजरासारखे वागताना दिसत आहेत. गेंडा शरीराने अवाढव्य प्राणी आहे. या व्हिडीओमध्ये तुम्हाला दोन मोठे सिंह जमिनीवर बसलेले दिसतील. अचानक मागून दोन गेंडे येतात आणि दोन्ही सिंह शांतपणे उठून काठावर उभे राहतात. इतकंच नाही तर गेंडा थोडा जवळ येऊन उभा राहिल्यावर सिंह शांतपणे तिथून दूर जाऊ लागतात. त्या दोघांकडे बघून असं वाटतयं की, ते गेंड्यांना बघून घाबरले आणि तिथून उठून पळाले.

हा व्हिडीओ X वर वेगाने व्हायरल होत आहे. युजर्सनाही हा व्हिडीओ खूप आवडला आहे. हे X च्या हँडल @AMAZlNGNATURE वर शेअर केले गेले आहे. व्हिडीओसोबतच्या कॅप्शनमध्ये असे लिहिले आहे, “म्हणजे हा गेंडा जंगलाचा राजा का?” या व्हिडीओला आतापर्यंत चार लाखांहून अधिक व्ह्यूज मिळाले आहेत. अनेक युजर्सनी यावर कमेंटही केल्या आहेत. एका युजरने लिहिले आहे, “सिंह आज लढण्याच्या मूडमध्ये नाही असे दिसते.”

येथे पाहा व्हिडीओ

तर आणखी एका युजरने लिहिले, “गेंडा आकाराने खूप मोठा असला तरी, पण जंगलाचा राजा सिंह आहे.” तर तिसऱ्या युजरने लिहिले, “सिंह हा जंगलाचा राजा आहे, कारण तो हुशारीने लढतो.” हा व्हिडीओ पाहिल्यानंतर तुम्हाला काय म्हणायचे आहे? कृपया आपले मत कमेंट करा.