Viral Video : उखाणा हा महाराष्ट्राच्या संस्कृतीचा एक महत्त्वाचा भाग आहे. कोणत्याही शुभ प्रसंगी उखाणा घेतला जातो. नवरा बायको लयबद्ध पद्धतीने जोडीदाराचे नाव घेतात.पूर्वी फक्त महिलाच उखाणा घ्यायच्या पण आता पुरुष सुद्धा हौशीने उखाणा घेताना दिसतात. सोशल मीडियावर उखाण्याचे अनेक व्हिडीओ व्हायरल होतात. काही लोक उखाण्यातून प्रेम व्यक्त करतात तर काही लोक उखाण्यातून त्यांची प्रेमकथा सांगतात. काही लोक जोडीदाराच्या तक्रारी तर काही लोक मजेशीर ज्योक्स सांगतात. कधी भावूक करणारे तर कधी खळखळून हसवणारे उखाणे सोशल मीडियावर पाहायला मिळतात.
सध्या असाच एक थक्क करणारा उखाण्याचा व्हिडीओ व्हायरल होत आहे. या व्हिडीओमध्ये एका तरुणाने त्याच्या पत्नीसाठी सुंदर उखाणा घेतला आहे. त्याचा उखाणा ऐकून तुम्हीही थक्क व्हाल. उखाण्यात त्याने विठोबा आणि छत्रपती शिवाजी महाराजांच्या नावासह पत्नीचे नाव सांगितले आहे. त्यानंतर पुढे त्याची पत्नी सुद्धा उखाणा घेते. नवविवाहित जोडप्याचे उखाणे ऐकून तुम्हीही थक्क व्हाल.
तरुणाने घेतला पत्नीसाठी सुंदर उखाणा
या व्हायरल व्हिडीओमध्ये एक नवविवाहित जोडपे बसलेले दिसत आहे. व्हिडीओच्या सुरुवातीला तरुण पत्नीसाठी उखाणा घेतो. उखाणा घेताना तो म्हणतो, “पंढरीचा राजा विठोबा सावळा, दिक्षाचं नाव घेतो छत्रपतीचा मावळा…” उखाण्यामध्ये हा तरुण पंढरपूरच्या विठूमाऊलीचे छत्रपती शिवाजी महाराजांचे नाव घेतो. अनेक विठ्ठलभक्त आणि शिवप्रेमींना हा उखाणा आवडेल. त्यानंतर त्याची पत्नी सुद्धा सुंदर उखाणा घेताना दिसते. ती उखाणा घेताना म्हणते, “चांदीची समई त्याला सोन्याच्या वाती, अक्षय रावांचं नाव घेते ते माझे पती मी त्यांची सौभाग्यवती” या नवविवाहित जोडप्याचा उखाणा ऐकून तुम्हीही थक्क व्हाल. सध्या हा व्हिडीओ तुफान व्हायरल होत आहे.
हेही वाचा : Optical Illusion : फोटोमध्ये कॅसेट्स दिसताहेत का? पण त्या कॅसेट्स नव्हे! फोटो एकदा नीट क्लिक करून पाहा
पाहा व्हायरल व्हिडीओ
maharashtraweddings.in या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “उखाणा” सोशल मीडियावर असे अनेक उखाण्याचे व्हिडीओ व्हायरल होत असतात.
