Video : पुण्यापासून फक्त ५० किमीवर आहे हे सुंदर मंदिर; हा व्हिडीओ पाहा अन् जाणून घ्या, कुठे आहे हे ठिकाण?

Pune Viral Video : पुणे हे एक ऐतिहासिक शहर आहे. या शहराचा इतिहास, येथील संस्कृती या शहराची ओळख सांगतात. या शहरातील ऐतिहासिक वास्तू, प्राचीन मंदिर, गडकिल्ले अतिशय लोकप्रिय आहे. हजारो लोक दर दिवशी पुणे दर्शनाला येतात आणि येथील वास्तु व लोकप्रिय ठिकाणांना भेट देतात पण फक्त पुणे शहरात नाही तर पुण्याजवळ सुद्धा अनेक असे ठिकाणे आहेत ज्याविषयी लोकांना माहिती नाही. आज आपण अशा एका सुंदर ठिकाणाविषयी जाणून घेणार आहोत. सध्या सोशल मीडियावर एक व्हिडीओ व्हायरल होत आहे. या व्हिडीओमध्ये या ठिकाणाविषयी माहिती सांगितली आहे.

या व्हायरल व्हिडीओमध्ये तुम्हाला उंच टेकडीवर वसलेले एक सुंदर मंदिर दिसेल. जे पांढऱ्या काळ्या दगडात कोरलेले आहे. मंदिराचे सौंदर्य व आजुबाजूचे निसर्गरम्य वातावरण पाहून तुम्हालाही या ठिकाणी भेट द्यावीशी वाटेल. मंदिराचा परिसर अतिशय सुंदर असून हे मंदिर खूप भव्य आहे. या मंदिराचे नाव भूलेश्वर मंदिर असून येथे सुंदर शिवलिंग आहे. मंदिराच्या भिंतीवर अप्रतिम कोरीव काम केलेले आहे. विशेष म्हणजे हे मंदिर पुण्यापासून फक्त ५० किमीवर आहे. पुणे सोलापूर हायवेला यवत गावातून या मंदिराकडे जाण्यासाठी रस्ता आहे. हा व्हिडीओ पाहून तुम्हालाही या ठिकाणी एकदा भेट द्यावीशी वाटेल.