Viral Video : नवरा बायकोचे नाते हे जगावेगळे असते. या नात्यात प्रेम, काळजी, जिव्हाळा अन् आपुलकी असते. दोन व्यक्ती जेव्हा लग्न करतात तेव्हा एकमेकांना आयुष्यभर साथ देण्याचं वचन देत नव्या आयुष्याची सुरुवात करतात. जसा जसा संसार फुलतो, तसे तसे हे नवरा बायकोचे नाते आणखी घट्ट होत जाते. आयुष्यभर जबाबदारीमुळे एकमेकांविषयी असलेले प्रेम व्यक्त करता येत नसले तरी ते एकमेकांवर खूप मनापासून प्रेम करतात. असाच एक व्हिडीओ व्हायरल होत आहे. या व्हिडीओमध्ये एक आजोबा अत्यंत दिलखुलासपणे आजीसमोर प्रेम व्यक्त करताना दिसत आहे. सार्वजानिक ठिकाणी आजोबा गाणं गुणगुणत प्रेम व्यक्त करताना दिसतात. आज्जी सुद्धा त्यावर सुंदर प्रतिक्रिया देत त्या क्षणाचा आनंद लुटताना दिसते. हा व्हिडीओ पाहून कोणीही थक्क होईल.
प्रेम कसं व्यक्त करायचं, आजोबांकडून शिका
हा व्हिडीओ कुणाल करणवाल या संगीतकाराने त्याच्या इन्स्टाग्राम अकाउंटवर शेअर केला आहे. हा गायक असून खूप सुंदर गिटार वाजवतो. एका टायटनच्या शोरूम बाहेर तो गाणं गाताना दिसतो तितक्या एक आजोबा त्यांच्या पत्नीला घेऊन येतात आणि आज्जीबरोबर डान्स करतात. गाण्याच्या लिरिक्सवर अॅक्शन कर आजोबा आज्जीसमोर मनातील भावना व्यक्त करतात. आज्जी सुद्धा आजोबांना प्रतिसाद देत डान्स करताना दिसते. हे वृद्ध जोडप्याचे प्रेम पाहून कोणीही थक्क होईल. वृद्ध वयात सुद्धा हे आज्जी आजोबा दिलखुलासपणे जगताना दिसत आहे.
पाहा व्हायरल व्हिडीओ
__livemusickkunal या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “जिंदा रहती है उनकी मोहब्बते” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “खूप सुंदर, आम्ही सुद्धा येथे पर्यंत पोहचायला पाहिजे” तर एका युजरने लिहिलेय, “त्यांनी एकमेकांना कितीवेळा माफ केले असेल.” आणखी एका युजरने लिहिलेय, “इथेपर्यंत कोणीही साथ देत नाही.. मग कितीही प्रेम असू द्या” एक युजर लिहितो, “असं प्रेम मिळायला नशीब लागतं” तर एक युजर लिहितो, “खरे सैयारा आहे हे” अनेक युजर्सनी या व्हिडीओवर हार्टचे इमोजी शेअर केले आहेत.
