‘क्षणात होत्याचं नव्हतं…’ , अंधारात सुनसान रस्त्यावरून जात होती महिला, अचानक तो आला अन्… VIDEO मध्ये कैद झाला तिच्या किंचाळण्याचा आवाज

हल्ली लूटमारीच्या, चोरीच्या गुन्ह्यांची संख्या वाढतच चालली आहे. चोर चोरी करण्यासाठी नवनवीन षड्यंत्रे आखून चोरी करतात. पण, अनेकदा अशा घटनांमध्ये महिलांचा जीव जातो, तर काहींना गंभीर दुखापतही होते. आतादेखील असाच एक व्हिडीओ सोशल मीडियावर व्हायरल होतोय. यात सुनसान रस्त्यावरून जाणाऱ्या महिलेच्या गळ्यातील चेन चोरण्यासाठी एक चोर आल्याचे पाहायला मिळत आहे.

या व्हायरल व्हिडीओमध्ये तुम्ही पाहू शकता, रात्रीच्या वेळी सुनसान रस्त्यावरून एक महिला एकटी जात असून यावेळी बाजूच्या झाडीतून अचानक तरुण चोर तिथे येतो आणि महिलेला रस्त्यावर पाडून तिच्या गळ्यातील चेन चोरी करून पळून जातो. सध्या हा व्हिडीओ सोशल मीडियावर खूप व्हायरल होत आहे.

पाहा व्हिडीओ:

हा व्हिडीओ इन्स्टाग्रामवरील @kumudamnews24x7 या अकाउंटवरून शेअर करण्यात आला आहे. त्यावर आतापर्यंत लाखो व्ह्युज आणि हजारो लाइक्स आल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय, “भल्याचा जमाना राहिला नाही” आणखी एकाने लिहिलेय, “असुरक्षित भारत” आणखी एकाने लिहिलेय, “दागिने घालून फिरणं बंद करायला हवं.”