Viral Video: सोशल मीडियावर कधी काय पाहायला मिळेल ते सांगता येत नाही. सोशल मीडियावरील ट्रेंड सतत विविध गोष्टींमुळे बदलत असतो. कधी थरकाप उडवणारे व्हिडीओ, तर कधी आपले मनोरंजन करणारे व्हिडीओ सातत्याने आपल्या डोळ्यांसमोर येतात. बऱ्याचदा यावर असे काही व्हिडीओ व्हायरल होतात, ज्यात नकळत घडलेल्या गोष्टी आपल्याला पाहायला मिळतात. सध्या काही लहान मुलांचा इमारतीच्या गच्चीवरील व्हिडीओ व्हायरल होत आहे.
लहान मुले खूप निरागस असतात; पण ती कधी काय करामत करतील हे कोणीही सांगू शकत नाही. आपण काय करतोय आणि हे केल्यानंतर पुढे काय होईल? याची कल्पना त्यांना नसते. त्यामुळेच अनेकदा आई-वडिलांच्या नकळत मुले अशा काही गोष्टी करतात, ज्यामुळे संपूर्ण कुटुंब त्रस्त होते. सध्या अशाच प्रकारचा एक व्हिडीओ खूप व्हायरल होतोय, ज्यात काही लहान मुले खेळता खेळता इमारतीच्या गच्चीवरील कट्ट्यावर उभी राहिल्याचे दिसत आहेत. हे दृश्य पाहून तुमचाही थरकाप उडेल.
या व्हायरल व्हिडीओमध्ये तुम्ही पाहू शकता की, एका १० मजली इमारतीच्या गच्चीवर काही लहान मुले खेळत होती. यावेळी ती गच्चीवरील कट्ट्यावर उभी राहून खाली वाकून पाहतात. तेवढ्यात व्हिडीओ काढणारी महिला त्यांना आवाज देऊन, तिथून जायला सांगते. त्यामुळे ती पुन्हा गच्चीवर जातात. परंतु, त्यावेळी एखाद्याचा तोल जरी गेला तरी त्याच्या जीवावर बेतू शकले असते. सध्या हा व्हिडीओ सोशल मीडियावर खूप व्हायरल होत असून, नेटकरी तीव्र संताप व्यक्त करताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @anay.akhan55794 या अकाउंटवरून शेअर करण्यात आला असून. या व्हिडीओवर आतापर्यंत एक दशलक्षाहून अधिक व्ह्युज आणि अनेक लाइक्स मिळाल्या आहेत. तसेच यावर अनेक युजर्स कमेंट्स करतानाही दिसत आहेत. एका युजरने कमेंटमध्ये लिहिलेय, “अरे बापरे, खूपच करामती आहेत” तर दुसऱ्या युजरने लिहिलेय, “आई-बाप कुठे गेले यांचे?.” तर तिसऱ्या व्यक्तीने लिहिलेय, “या वयातल्या मुलांवर खूप लक्ष ठेवावे लागते”.
