Viral Video: नुकत्याच काही दिवसांपूर्वी प्रदर्शित झालेल्या ‘एक नंबर तुझी कंबर’ या मराठमोळ्या गाण्यानेही समाजमाध्यमांवर अनेकांना वेड लावले आहे. या गाण्यावर लाखो लोक रील्स बनवून समाजमाध्यमांवर धुमाकूळ घालत आहेत. फक्त सामान्य लोकच नाही, तर अनेक मराठी, हिंदी, परदेशी कलाकारांनीही या गाण्यावर रील्स तयार केल्या आहेत. अशातच आता या गाण्यावरील चिमुकलीचा डान्स व्हायरल होतोय.
हल्ली सोशल मीडियावर अनेक युजर्स असेही असतात की, जे उत्तम दर्जाचे कंटेंट शेअर करतात. त्यात सुंदर डान्स, संगीत, रेसिपी, लेखन अशा विविध गोष्टी आपल्याला पाहायला किंवा वाचायला मिळतात. सध्या असाच एक व्हिडीओ खूप व्हायरल होतोय, जो पाहून तुम्हीही कौतुक कराल.
या व्हायरल व्हिडीओमध्ये तुम्ही पाहू शकता की, एक चिमुकली ‘एक नंबर तुझी कंबर’ या मराठमोळ्या गाण्यावर डान्स करताना दिसत आहे. यावेळी चिमुकलीच्या चेहऱ्यावरील हावभाव आणि डान्स लक्ष वेधून घेत आहे. तिच्या डान्सचे युजर्सही खूप कौतुक करताना दिसत आहेत.
पाहा व्हिडीओ:
हा व्हायरल व्हिडीओ इन्स्टाग्रामवरील @barkat.arora या अकाउंटवरून शेअर करण्यात आला आहे. त्यावर आतापर्यंत जवळपास एक दशलक्षाहून अधिक व्ह्युज आणि हजारो लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत. त्यातील एका युजरने कमेंटमध्ये लिहिलेय, “ही मुलगी खरंच खूप सुंदर नाचते”. दुसऱ्या युजरने लिहिलेय, “क्यूटी खूप छान.” तिसऱ्याने लिहिलेय, “कमाल एक्स्प्रेशन्स आणि कमाल डान्स”. तसेच आणखी अनेक युजर्सही चिमुकलीचे कौतुक करताना दिसत आहेत.
