Viral Video: सोशल मीडियावर कधी डान्स, तर कधी गाणी, कधी अभिनय अशा विविध गोष्टी हौशी कलाकार शेअर करतात. त्यातील काहींचे व्हिडीओ इतके व्हायरल होतात की, ज्यामुळे त्यातील कलाकारांचं संपूर्ण आयुष्य बदलून जातं. दरम्यान, आता एका तरुणीचा डान्स खूप व्हायरल होत आहे, ज्यातील तिच्या डान्सचं नेटकरी भरभरून कौतुक करताना दिसत आहेत.
अभिनेत्री माधुरी दीक्षितचे ‘हमको आजकल है इंतजार’ हे सुप्रसिद्ध बॉलिवूड गाणं कितीही जुनं झालं तरी आजही लाखो तरूणी या गाण्यावर थिरकताना दिसतात. सोशल मीडियावर या गाण्यावर डान्स करतानाचे अनेक तरूणींचे व्हिडीओ व्हायरल झालेले तुम्ही पाहिले असतील. आताही अशाच एका तरूणीचा व्हिडीओ समोर आला आहे.
या व्हायरल व्हिडीओमध्ये तुम्ही पाहू शकता की, एक तरुणी हिरव्या रंगाची नऊवारी साडी नेसून समुद्र किनाऱ्यावर ‘हमको आजकल है इंतजार’ या जुन्या हिंदी गाण्यावर डान्स करताना दिसत आहे. यावेळी तिच्या भन्नाट डान्स स्टेप्स आणि चेहऱ्यावरील हावभाव पाहून नेटकरीही तिचं कौतुक करताना दिसत आहेत. सध्या हा व्हिडीओ सोशल मीडियावरही खूप चर्चेत आला आहे.
पाहा व्हिडीओ:
हा व्हिडीओ इन्स्टाग्रामवरील @kastu__rockstar या अकाउंटवरून शेअर करण्यात आला आहे. त्यावर आतापर्यंत दोन लाखांहून अधिक व्ह्युज आणि हजारो लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत. एकाने लिहिलेय, “व्वा किती छान नाचतेस तू” तर दुसऱ्याने लिहिलेय, “बघा असा असतो डान्स”, तर तिसऱ्याने लिहिलेय, “खूप छान अतिशय सुंदर ताई”.
