जंगली कुत्र्याची शांतीत क्रांती…दबक्या पावलांनी आला अन् काळवीटाला घेऊन गेला; घटनेचा थरारक VIDEO

जगातील कुठलाही सजीव असो, प्रत्येक जण आपली भूक भागवण्यासाठी संघर्ष करत असतो. मनुष्य आपली दोन वेळची भूक भागवण्यासाठी आणि इतर गरजा पूर्ण करण्यासाठी दिवस-रात्र कष्ट करतात, त्याचप्रमाणे हिंस्त्र प्राणीदेखील आपली भूक भागवण्यासाठी जंगलातील प्राण्यांवर हल्ला करून आपली भूक भागवतात. हिंस्र प्राण्यांसाठी ज्याप्रमाणे आपली भूक भागवणं गरजेचं असतं, त्याचप्रमाणे ज्या प्राण्याचा जीव धोक्यात असतो त्यालाही आपला जीव वाचावा असं वाटतं, त्यामुळे तोदेखील जिवाच्या आकांताने शिकार होण्यापासून वाचण्यासाठी पळत असतो. अनेकदा त्यांची ही धाव यशस्वी होते, तर अनेकदा त्यांना आपला जीव गमवावा लागतो. दरम्यान, आता असाच एक थरारक व्हिडीओ खूप व्हायरल होतोय, ज्यात एक जंगली कुत्रा काळवीटाची शिकार करताना दिसत आहे.

या व्हायरल व्हिडीओमध्ये तुम्ही पाहू शकता, एका जंगलामध्ये दोन जंगली कुत्रे शिकारीच्या शोधात एका तळ्याजवळ गेले असताना अचानक त्यांच्यातील एका कुत्र्याची नजर पाण्यात मनसोक्त पोहणाऱ्या काळवीटावर जाते. काळवीट एकटेच पाण्यात शांत उभे होते. जंगली कुत्रा पाण्याच्या मधोमध बसलेल्या काळवीटाजवळ अगदी हळूहळू जाण्याचा प्रयत्न करतो. जंगली कुत्रा आपल्या जवळ येतोय हे कळताच काळवीट पाण्यातून बाहेर पडण्याचा प्रयत्न करते. परंतु, कुत्रा त्याच्यावर पटकन झडप घालतो. जंगली कुत्रा सुरुवातीला काळवीटाच्या पाठीवर हल्ला करतो, नंतर त्याचा कानही पकडतो आणि त्याला पाण्यातून बाहेर घेऊन जातो. पाण्यातून बाहेर गेल्यावर चार-पाच जंगली कुत्रे मिळून काळवीटाचे लचके तोडतात. हा थरकाप उडवणारा व्हिडीओ सोशल मीडियावर खूप व्हायरल होत आहे.

पाहा व्हिडीओ:

हा व्हिडीओ यूट्यूबवरील @Savanna Private Game Reserve या अकाउंटवर शेअर करण्यात आला असून याला आतापर्यंत लाखो व्ह्युज आणि हजारो लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत. एकाने लिहिलंय की, “खूपच भयानक व्हिडीओ”, तर दुसऱ्याने लिहिलंय की, “बापरे, पाहून थरकाप उडाला”, तर तिसऱ्या युजरने लिहिलंय की, “जंगली कुत्रा खूप भयानक असतो.”