Viral Video: सोशल मीडियावर सतत अनेक व्हिडीओ सतत व्हायरल होत असतात. त्यात अनेकदा प्राण्यांचे व्हिडीओदेखील मोठ्या प्रमाणात पाहायला मिळतात. या व्हिडीओंमध्ये कधी काही हिंस्त्र प्राणी इतर प्राण्यांची शिकार करताना दिसतात; तर कधी प्राणी एकमेकांसोबत खेळताना दिसतात. असे व्हिडीओ सोशल मीडियावर क्षणार्धात लाखो व्ह्युज मिळवतात. अशातच आता तीन श्वानांचा एक व्हिडीओ पाहायला मिळत आहे. त्यामध्ये हे श्वान एकमेकांबरोबर मारामारी करताना दिसत आहेत.
प्राणीदेखील माणसांप्रमाणेच आनंद, राग, दुःख व्यक्त करतात. आपण जसे खेळतो, तसेच प्राणीदेखील एकमेकांसोबत खेळताना दिसतात. सोशल मीडियावर प्राण्यांचे असे गमतीशीर व्हिडीओ खूप व्हायरल होतात. आतादेखील असाच एक व्हिडीओ व्हायरल होतोय; ज्यात श्वान एकमेकांबरोबर मारामारी करताना दिसत आहेत. सध्या हा व्हिडीओ खूप व्हायरल होत आहे.
या व्हायरल व्हिडीओमध्ये तुम्ही पाहू शकता की, एका रस्त्याच्या मधोमध तीन श्वान उभे असून यावेळी त्यातील दोन श्वान एकमेकांबरोबर मारामारी करताना दिसत आहेत. यावेळी ते दोन्ही श्वास मागच्या पायावर उभे राहिले असून, समोरच्या पायांनी एकमेकांना मारताना दिसत आहेत. तसेच तिसरा श्वान त्या दोघांचे भांडण पाहताना दिसत आहे.
हेही वाचा: “आईशप्पथ, काय नाचतेय ही…”, चिमुकलीने भररस्त्यात केला जबरदस्त डान्स; VIDEO पाहून नेटकरी करतायत कौतुक
पाहा व्हिडीओ:
हा व्हिडीओ इन्स्टाग्रामवरील @mannu.manyaa या अकाउंटवरून शेअर करण्यात आला आहे. या व्हिडीओवर आतापर्यंत तीन लाखांहून अधिक व्ह्युज आणि १२ हजारांहून अधिक लाइक्स मिळाल्या आहेत. या व्हिडीओवर आतापर्यंत अनेक युजर्स कमेंट्स करताना दिसत आहेत.
एका युजरने कमेंटमध्ये लिहिलेय, “अरे बापरे, अगदी शाळेच्या मुलांसारखे भांडतायत.” दुसऱ्या युजरने लिहिलेय, “पप्पी खूपच रागात आहे, असं वाटतंय.” तिसऱ्या युजरने लिहिलेय, “त्यांची आई कुठे गेली?”
दरम्यान, यापूर्वीदेखील अशा प्रकारचे अनेक व्हिडीओ व्हायरल झाले होते. श्वान नाचताना दिसले होते. दुसऱ्या एका व्हिडीओमध्ये श्वान त्याच्या घरातील मालकिणीला चकवा देऊन गेल्याचे दिसले होते.
