VIRAL VIDEO : माणूसकी अजुनही जिवंत! कारखाली अडकलेल्या बाईक चालकाच्या मदतीला लोकांची गर्दी

या व्हायरल व्हिडीओमध्ये तुम्ही पाहू शकता की, रस्त्यावरून दोन बाईक येताना दिसत आहेत. त्याचवेळी मागून एक कार देखील येताना दिसत आहे. यावेळी कार आणि बाईकची टक्कर होऊन अपघात घडतो आणि बाईक चालक थेट कारखाली येतो. यात बाईकवर मागे बसलेली एक व्यक्ती या अपघातात बाजूला जाऊन पडते. पण बाईक चालवणारा व्यक्ती कारखाली अडकतो. हे दृश्य पाहून रस्त्यावरून ये-जा करणारे लोक हळुहळू बाईक चालकाच्या मदतीसाठी धावून येताना या व्हिडीओमध्ये दिसून येतं. इतकंच काय गाड्यांमधून जाणारे लोक सुद्धा हा अपघात पाहून गाड्या थांबवल्या आणि बाईक चालकाच्या मदतीसाठी धावू लागले.

आणखी वाचा : खाली डोकं, वर पाय! हत्तीचा स्तब्ध करणारा स्टंट; VIRAL VIDEO पाहून तुम्ही देखील व्हाल हैराण

सर्व लोकांनी मिळून बाईकचालकाला बाहेर काढले आणि त्याचा जीव वाचवला. पोलिसांनी दिलेल्या माहितीनुसार, बाईकवरील पुरुष आणि महिलेला हॉस्पिटलमध्ये उपचारासाठी नेण्यात आले. सुदैवाने दोघेही सुखरूप आहेत. ही घटना दक्षिण कॅरोलिनामधील मार्टल बीच इथे घडली आहे. मर्टल बीच पोलिस विभागाने आपल्या फेसबुक पेजवर शनिवारी दुपारी ही घटना घडल्याचे सांगत व्हिडीओ शेअर केलाय. त्यानंतर हा व्हिडीओ सोशल मीडियावर वेगाने पसरू लागला. लोक हा व्हिडीओ मोठ्या प्रमाणात शेअर करून माणूसकी अजुनही जिवंत असल्याचं दाखवत आहेत.

आणखी वाचा : सगळ्यांपासून दूर जंगलात जेव्हा अस्वल एकट्यात करतो धांसू डान्स, २० लाखांपेक्षा जास्त व्ह्यूज

इथे पाहा हा व्हायरल व्हिडीओ :

आणखी वाचा : VIRAL VIDEO : घोटभर पाण्यासाठी जीव धोक्यात! नाईलाजास्तव खोल विहिरीत उरताहेत महिला

गुड न्यूज मूव्हमेंट नावाच्या इन्स्टाग्राम अकाउंटवरून हा व्हिडीओ शेअर करण्यात आलाय. ”दक्षिण कॅरोलिनाच्या मर्टल बीच येथे गेल्या शनिवारी मोटारसायकलस्वाराला धडक दिल्यानंतर खाली अडकलेल्या मोटारसायकलस्वाराला वाचवण्यासाठी सगळे लोक एकत्र आले.” अशी कॅप्शन देत हा व्हिडीओ शेअर केलाय. हा व्हिडीओ व्हायरल झाल्यानंतर लोकांनी यावर आपल्या वेगवेगळ्या प्रतिक्रिया शेअर करण्यास सुरूवात केलीय. काही युजर्सनी बाईकचालकाच्या मदतीसाठी पुढे आलेल्या लोकांचं कौतुक केलंय. तर अनेक युजर्सनी अपघात घडल्यानंतर लोकांनी पळवाट काढण्याऐवजी मदतीला धावून आलं पाहिजे, असं मत व्यक्त केलंय.