Weeding Viral Video: बाप-लेकीचं नातं नेहमीच खूप खास समजलं जातं. बाप गरीब असो वा श्रीमंत तो आपल्या लेकीला नेहमीच तळहाताच्या फोडाप्रमाणे जपतो. खरं तर, एखाद्या मुलीवर तिच्या वडिलांएवढं प्रेम जगात कोणीच करू शकत नाही. पण, आपल्या वडिलांइतकाच आपल्याला जीव लावणारा जोडीदार मिळावा, अशी प्रत्येक मुलीची इच्छा असते. ही इच्छा अनेकदा पूर्णही होते. आता व्हायरल होत असलेल्या व्हिडीओत असंच काहीतरी पाहायला मिळत आहे.
सध्या सोशल मीडियावर लग्नसराईदरम्यानचे अनेक व्हिडीओ व्हायरल होत आहेत. त्यात कधी लग्नातील हटके उखाणे, तर कधी लग्नातील विविध प्रथा, परंपरा पाहायला मिळतात. त्याशिवाय लग्नातील वर-वधूचा डान्सही खूप चर्चेत असतो. सध्या असा एक व्हिडीओ व्हायरल होतोय, जो पाहून नेटकरी कौतुक करताना दिसत आहेत.
या व्हायरल व्हिडीओमध्ये तुम्ही पाहू शकता की, लग्नमंडपामध्ये स्टेजवर वधू-वर बसले असून, यावेळी दुल्हन तो जाएगी दुल्हे राजा के साथ हे गाणं लागतं. यावेळी वर स्टेजवरून खाली येऊन आपल्या सासऱ्याजवळ जातो आणि गाण्यातील शब्दांप्रमाणे अभिनय करतो. त्यानंतर वधूचे बाबा मुलीजवळ जाऊन तिला स्टेजवरून खाली आणतात आणि वराच्या हातामध्ये तिचा हात देतात. हा व्हिडीओ पाहून अनेक जण जावई असावा तर असा, असं म्हणताना दिसत आहेत.
पाहा व्हिडीओ
सोशल मीडियावर खूप चर्चेत असलेला हा व्हिडीओ इन्स्टाग्रामवरील @marathi_wedding_55 या अकाउंटवरून शेअर करण्यात आला आहे. त्याला पाच लाखांहून अधिक व्ह्युज आणि हजारो लाइक्स मिळाल्या आहेत. तसेच अनेक नेटकरी यावर विविध कमेंट्स करताना दिसत आहेत.
एका युजरनं कमेंटमध्ये लिहिलंय, “खरंच जावई असावा तर असा.” दुसऱ्या युजरनं लिहिलंय, “त्याची बायको खूप लकी आहे.” तिसऱ्या युजरनं लिहिलंय, “सुंदर क्षण.”
