Viral Video: लहान मुलांच्या नवनवीन गाणी, चित्रपट आणि त्यातील डायलॉग्ज मुलांना तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. आताही असाच एक जरा हटके व्हिडीओ चर्चेत आलाय, जो पाहून तुम्हीही आश्चर्यचकीत व्हाल.
सोशल मीडियामुळे जगभरातील अनेक गाणी सतत व्हायरल होत असतात. अनेक भारतीय गाण्यांनाही रील्सच्या माध्यमातून जगभरातील लोकांकडून पसंती दिली जाते. हल्ली समाजमाध्यमांवर अनेक जुनी गाणी देखील वारंवार चर्चेत येत असतात. आतादेखील बॉलिवूडमधील लोकप्रिय ‘बोल चुडिया’ हे गाणं चर्चेत आलं आहे.
या व्हायरल व्हिडीओमध्ये तुम्ही पाहू शकता, एका घरातील दोन बहिणी शकीराच्या ‘बोल चुडिया बोले कंगना’ या लोकप्रिय हिंदी गाण्यावर डान्स करत आहेत. या दोघींचा डान्स आणि चेहऱ्यावरील हावभाव पाहून अनेकजण त्यांचे कौतुक करत आहेत. त्यांचा हा डान्स सोशल मीडियावर व्हायरल होतोय.
पाहा व्हिडीओ:
हा व्हिडीओ इन्स्टाग्रामवरील @the_superb_kids या अकाउंटवर शेअर करण्यात आला आहे. त्याला आतापर्यंत जवळपास अठरा मिलियनहून अधिक व्ह्युज आणि लाखो लाइक्सही मिळाल्या आहेत. त्याशिवाय यावर अनेक युजर्स कमेंट्स करताना दिसत आहेत. एका युजरनं लिहिलंय, “खूप भारी डान्स.” आणखी एकानं लिहिलंय, “बारकी पण काय नाचतेय” आणखी एकानं लिहिलंय, “हुशार आहेत दोघी बहिणी”.
