Viral Video: हल्लीची लहान मुलं पटकन नवनवीन गोष्टी शिकतात. एखादं नवीन गाणं आलं की ते त्यांना नेहमीच तोंडपाठ असतं. त्याशिवाय गाण्यातील डान्स स्टेप्सवरही त्यांचं अचूक लक्ष असतं. सध्या सोशल मीडियावर ‘नटीनं मारली मिठी’ हे मराठी गाणं खूप चर्चेत आहे, ज्यावर आतापर्यंत लाखो युजर्स, मराठी कलाकारांनी रील्स बनवण्याचा व्हिडीओ समोर आला आहे, ज्यात दोन लहान मुली जबरदस्त डान्स करताना दिसत आहेत.
लहान मुलांचे अनेक व्हिडीओ आपण सोशल मीडियावर पाहतो, ज्यात ती मुलं बिनधास्त स्टेजवर डान्स करताना किंवा गाणं गाताना, अभिनय सादर करताना दिसतात. चिमुकल्यांच्या या व्हिडीओंना लाखो व्ह्युज आणि लाइक्सही मिळतात. सध्या असाच एक व्हिडीओ खूप व्हायरल होतोय, ज्यात दोन लहान मुली सुंदर डान्स करताना दिसत आहेत. हा व्हिडीओ पाहून नेटकरीही त्या मुलींचं कौतुक करताना दिसत आहेत.
या व्हायरल व्हिडीओमध्ये तुम्ही पाहू शकता, दोन चिमुकल्या त्यांच्या घरामध्ये ‘नटीनं मारली मिठी’ या मराठी गाण्यावर अप्रतिम डान्स करताना दिसत आहेत. यावेळी त्यांच्या चेहऱ्यावरील गोड हावभाव आणि डान्स स्टेप्स पाहून तुम्हीही अवाक् व्हाल. त्यांचा हा गोड व्हिडीओ सध्या खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @latapatil या अकाउंटवर शेअर करण्यात आला असून याला एक लाखांहून अधिक व्ह्युज आणि हजारो लाइक्स मिळाल्या आहेत. तसेच यावर अनेक युजर्स कमेंट्स करताना दिसत आहेत.
एका युजरने कमेंटमध्ये लिहिलंय की, “खूप छान”, तर दुसऱ्याने लिहिलंय की, “चिमण्या खूप छान नाचतायत”, तर तिसऱ्या युजरने लिहिलंय की, “किती गोड आहेत या”, तर आणखी एकाने लिहिलंय की, “खूप क्यूट.”
