Viral Video: लावणी नृत्य ही महाराष्ट्राची लोककला आहे. गावाच्या जत्रेतून पिढ्यापिढ्या मनोरंजन करणारी लावणी आजही लोकांच्या पंसतीस उतरते. लावणी ही वाटते तितके सोपे नाही. लावणी करण्यासाठी नृत्याची जाण तर लागतेच त्याचबरोबर नृत्य करण्यासाठी अदाही लागते. ढोलकीच्या तालावर आणि घुंगराच्या बोलावर एकापेक्षा एक लावणी सादर करणाऱ्या कलाकारांचे अनेक व्हिडिओ रोज सोशल मीडियावर व्हायरल होत असतात पण मोजकेच व्हिडिओ असतात जे प्रेक्षकांच्या मनावर राज्य करतात. असाच दोन तरूणींचा सुंदर लावणीचा व्हिडिओ समोर आला आहे.
हल्ली प्रत्येक दिवशी सोशल मीडियावर लाखो युजर्स विविध प्रकारचे व्हिडीओ शेअर करत असतात. ज्यातील अनेक व्हिडीओंमुळे नेटकऱ्यांचे मनोरंजन होते, तर काही व्हिडीओंमुळे अनेक गोष्टी आपल्याला शिकायला मिळतात. सोशल मीडियाचा ट्रेंड सातत्याने बदलत असतो. या ट्रेंडमध्ये अनेकदा नवी, जुनी गाणी देखील असतात. आता अशाच एक व्हिडीओ तुफान व्हायरल होतोय ज्यात दोन तरूणी लावणी सादर करताना दिसतेय.
या व्हायरल व्हिडीओमध्ये तुम्ही पाहू शकता, दोन तरूणी नऊवारी साडी, नथ असा पारंपारिक मराठमोळा साजश्रृंगार करून लावणी सादर करताना दिसत आहेत. यावेळी त्या “चढविला पट्टा कमरेवरी” गाण्यावर सुरेख सादरीकरण करत आहेत. त्यांच्या दिलखेचक अदा अन् डान्स स्टेप्स पाहून नेटकरीही त्यांचे कौतुक करत आहेत.
पाहा व्हिडीओ:
हा व्हिडीओ इन्स्टाग्रामवरील @marathiactresschannel या अकाउन्टवर शेअर करण्यात आला असून यावर दोन लाखाहून अधिक व्ह्यूज आणि हजारो लाइक्स मिळाल्या आहेत. तसेच अनेक युजर्स यावर कमेंट्स करत आहेत. एकाने लिहिलंय की, “दोघीही खूप गोड दिसताय आणि खूप सुंदर डान्स” तर दुसऱ्याने लिहिलंय की, “वाह… किती सुंदर” तर तिसऱ्याने लिहिलंय की,”काय ती अदाकारी आणि काय ते भाव …. व्वा”
