Viral Video: सोशल मीडियावर दर दिवशी वेगवेगळे हटके व्हिडीओ व्हायरल होत असतात. कधी डान्सचे व्हिडीओ, तर कधी गाणी म्हणतानाचे व्हिडीओ व्हायरल होतात. कधी एखादी हटके ट्रिक व्हायरल होते, तर कधी एखादं गाणं चर्चेत येतं. सध्या असाच एक व्हिडीओ सोशल मीडियावर व्हायरल होत आहे. त्या व्हिडीओमध्ये एक तरुण एका जुन्या मराठी गाण्यावर डान्स करताना दिसतोय.
पावसाळा सुरू झाला आहे. सगळीकडे निसर्गरम्य वातावरणही आहे. अनेकांना पावसाळ्याचा हंगाम आणि त्यात भिजायला खूप आवडते. त्याशिवाय या दिवसांत पावसावर आधारित जुणी मराठी गाणीही खूप व्हायरल होतात. या जुन्या गाण्यांवर काही जण डान्स करताना, अभिनय करतानाही दिसतात. सध्या झुंजूर मुंजूर पाऊस वाऱ्यानं या गाण्यावर एक तरुण डान्स करताना दिसत आहे.
या व्हायरल व्हिडीओमध्ये तुम्ही पाहू शकता, एक तरुण निसर्गरम्य वातावरणामध्ये “झुंजूर मुंजूर पाऊस वाऱ्यानं अंग माझं ओलं चिंब झालं रं”, या मराठी जुन्या गाण्यावर ठेका धरताना दिसत आहे. या गाण्यावर तो खूप सुंदर डान्स करतो. त्याची प्रत्येक डान्स स्टेप आणि चेहऱ्यावरील हावभाव पाहून नेटकरीही त्याचं कौतुक करत आहेत.
हा व्हिडीओ इन्स्टाग्रामवरील @mangesh_sutar_487 या अकाउंटवरून शेअर करण्यात आला आहे. त्यावर आतापर्यंत ४० हजारांहून अधिक व्ह्युज आणि अनेक लाइक्स मिळाल्या आहेत. तसेच अनेक नेटकरी यावर कमेंट्स करताना दिसत आहेत.
पाहा व्हिडीओ:
एका युजरनं लिहिलंय, “एवढा टॅलेंट येतो कुठून”. आणखी एकानं लिहिलंय, “खूप सुंदर डान्स”. आणखी एकानं लिहिलंय, “एकदम जबरदस्त भावा”. एका व्यक्तीनं लिहिलंय, “लय भारी डान्स केला भाऊ”.
