अहंकार व अस्तित्वाची लढाई! जंगलात आमने-सामने आले दोन वाघ; एकानं डिवचलं अन् दुसरा चवताळला, पुढच्या क्षणी घडलं थरारक दृश्य! पाहा VIDEO

हा संघर्ष नेमका कशासाठी?

हा, व्हिडीओ पाहून अनेकांनी विविध अंदाज बांधले आहेत. काहींचं म्हणणं आहे की, ही प्रांतवर्चस्वाची लढाई असावी. जंगलात प्रत्येक वाघाचं स्वतःचं क्षेत्र असतं आणि त्यात दुसरा वाघानं शिरकाव केला की, संघर्ष अटळ असतो. पहिला वाघ दुसऱ्यावर झेपावतो, कारण- त्याला वाटतं की, हा माझ्या हद्दीत कसा घुसला? आणि दुसरा वाघ त्याच्यावर आक्रमण करतो, कारण- त्याला नवीन प्रांतावर वर्चस्व मिळवायचं असतं.

सोशल मीडियावर लोकांच्या भन्नाट प्रतिक्रिया

हा थरारक व्हिडीओ WildLife Experience नावाच्या यूट्यूब चॅनेलवरून शेअर करण्यात आला आहे. हा व्हिडीओ आतापर्यंत तीन लाखांहून अधिक प्रेक्षकांनी पाहिला असून, कमेंट्सचा अक्षरशः वर्षाव होत आहे एका युजरनं विनोदी अंदाजात लिहिलं, “हा वाघ म्हणतोय की, ही माझी बायको आहे!”, अशाप्रकारच्या अनेक प्रतिक्रिया नेटकऱ्यांनी दिल्या आहेत. लोकांच्या या प्रतिक्रिया व्हिडीओइतक्याच धमाल आहेत. काहींनी याला “जंगलातील शौर्याचा सर्वोत्तम क्षण” असं म्हटलं आहे. तर, काहींनी लिहिलं, “असं दृश्य फक्त निसर्गातच पाहायला मिळू शकतं!”

निसर्गाचा खरा थरार वाघांच्या नजरेतून

या व्हिडीओतून एक गोष्ट स्पष्ट होते की, जंगलात माणसांप्रमाणे नाही, तर निसर्गाचे स्वतःचे नियम आहेत. इथे प्रत्येक श्वास टिकविण्यासाठी संघर्ष करावा लागतो.आणि जेव्हा दोन वाघ समोरासमोर येतात, तेव्हा तो फक्त लढा नसतो, तर ती असते अहंकार, हद्द व अस्तित्वाची परीक्षा!

येथे पाहा व्हिडीओ

व्हिडीओ पाहणाऱ्यांसाठी संदेश:

अशा दृश्यांतून निसर्गाचं अदभुत संतुलन आणि त्याची रौद्र शक्ती अशा दोन्ही गोष्टींचं दर्शन होतं. जंगलात प्रत्येक राजा आपल्या राज्यासाठी लढतो आणि कधी कधी ती झुंज आपल्याला शिकवते की, “शांतीमागे नेहमी एक युद्ध दडलेलं असतं!”