“असं नका करु रे…” वरळी BDD मधील घर विकायला काढलं, किंमत ऐकून हैराण व्हाल…; सोशल मीडियावर VIDEO व्हायरल होताच नेटकरी संतापले

विशेष म्हणजे मुख्यमंत्री देवेंद्र फडणवीस यांनी चावी प्रदान कार्यक्रमामध्ये बोलताना सोन्यासारखी घरं विकू नका असं आवाहन केलं होतं.जुनी पिढी भावी पिढीला वारसा देण्यासाठी सोने जतन करून ठेवायचे. तसेच मुंबईच्या हृदयस्थानी मिळालेली ५०० चौरस फूट चटई क्षेत्रफळाची टू बीएचके आकारमानाची मालकी तत्त्वावर मिळालेली विनामूल्य सदनिका सोन्याहून अधिक मौल्यवान असून हे मौल्यवान घर पुढील पिढीला वारसा म्हणून जतन करा, त्याची विक्री करू नका, असा सल्ला मुख्यमंत्री देवेंद्र फडणवीस यांनी बीडीडी चाळीतील रहिवाशांना दिला होता. मात्र या आवाहनाकडे दुर्लक्ष करण्यात आलं आहे.

घरांची किंमत ऐकून थक्क व्हाल

या व्हिडीओमध्ये तुम्ही पाहू शकता, बीडीडी पुनर्वसित इमारतीचा हा व्हिडीओ एका रिअल इस्टेट एजंटने पोस्ट शेअर केला आहे. त्यानुसार, वरळीत नव्याने उभारण्यात आलेल्या बीडीडीमधील सर्वात वरच्या मजल्यावरील घर विक्रीस काढलं आहे. या घराची किंमत २ कोटी ८० लाख ठेवण्यात आली असून, ती कमी जास्त होऊ शकते असंही सांगण्यात आलं आहे. पोस्टमध्ये ५०० स्क्वेअर फूट एरिया असून, लिफ्ट आणि एक कार पार्किंग असल्याची माहिती देण्यात आली आहे.

पाहा व्हिडीओ

सोशल मीडियावर VIDEO व्हायरल होताच नेटकरी संतापले आहेत. अनेकांनी यावर टीका करत संताप व्यक्त केला आहे. एकानं म्हंटलंय ‘आमचा मराठी माणूस ही रूम विकून मुंबईच्या बाहेर जाणार’, “असं नका करु रे मुंबईला यांच्या ताब्यात नका देऊ” अशा अनेक संतापजनक प्रतिक्रिया नेटकऱ्यांनी दिल्या आहेत.