Desi jugad Viral video: भारतीय नागरिक कचऱ्यातून विश्व घडवण्यात चतुर असतात. एखादी वस्तू उपयोगी नाही, असे आपल्या देशात क्वचितच घडते. भारतात जुगाडू लोकांची काहीच कमतरता नाही. भारतीय लोक असे असे जुगाड शोधून काढतात की जे पाहून मोठमोठे इंजिनियर्स आपल्या डिग्र्या फाडतील. सोशल मीडिया विविध व्हिडिओंनी भरलाय. अनेक विनोदी व्हिडिओ आपण इथे रोज पाहत असतो. त्यातले काही व्हिडिओ आपल्याला खळखळून हसवतात. याच प्रकारात येतात जुगाडा व्हिडिओ. स्वत:च डोकं चालवून असं काहीतरी केलं जातं, की मग सोशल मीडियावरचे यूझर्स या जुगाडुंना डोक्यावर घेतात.
सध्या एका विचित्र जुगाडाचा व्हिडिओ सोशल मीडियावर मोठ्या प्रमाणात व्हायरल होत आहे. यामध्ये तरुणाने कंडोम पासून ऑक्सिजन सिलेंडर बनवला आहे. या व्हिडीओमध्ये तुम्ही पाहू शकता की, तरुणाने कंडोमला फुग्यासारखे फुगवले आहे. तसेच त्याला ऑक्सिजन सिंलेडरची पाईप जोडीली आहे. तरुणाने ती पाईप तोंडाला लावली आहे आणि श्वास घेत आहे. तसेच तरुणाने स्वीमिंग पूलमध्ये घातले जाणारे गॉगल्स घातले आहेत. तसेच त्याने एक टॉर्च देखील डोक्यावर लावलेली आहे. त्यानंतर तरुण जोरदार वाहणाऱ्या पाण्यात त्या सिलेंडरसह उतरतो आणि पाण्यात उलटा होतो. तरुण पाण्यात आपले तोंड घालून सिलेंडर काम करत आहे का हे चेक करत असल्याचं दिसत आहे. यावेळी असं वाटतं की तो वाहून जाईल किंवा बुडून जाईल. मात्र व्हिडीओ तिथेच संपतो त्यामुळे पुढे तो तरुण काय करतोय हे कळलेलं नाही.
जुगाडूगीरीमध्ये आपल्या भारतीयांचा हात कोणीच धरू शकत नाही. कारण आपली लोकं असे असे जुगाड शोधून काढतात की पाहणारा सुद्धा अवाक होतो. आता हाच जुगाड पाहा ना..हा व्हिडीओ पाहून तुम्हीही डोक्याला हात लावाल.
पाहा व्हिडीओ
हा व्हिडीओ eye.india.media या इन्स्टाग्रामवर अकाऊंटवरुन शेअर करण्यात आला आहे. यावर कमेंट करून लोक मस्करी करत आहेत. एका यूजरने लिहिलं, वाहह एक नंबर, तर दुसरा म्हणतो, “एवढी काय गरज होती की थेट कंडोम वापरण्याची वेळ आली…” तर आणखी एकानं, “याला म्हणतात कचऱ्यातून विश्व निर्माण करणे..”अशी प्रतिक्रिया दिली आहे.
