वसई: सावकारीचा गुन्हा दाखल होण्याची भीती, पती-पत्नीचा पोलीस ठाण्यातच आत्महत्येचा प्रयत्न

वसई: सावकारीचा गुन्हा दाखल होणार या भीतीने नायगांव पोलीस ठाण्याच्या आवारातच एक जोडप्याने आत्महत्या करण्याचा प्रयत्न केला. शुक्रवारी दुपारी ही घटना घडली .दोघांना उपचारासाठी रुग्णालयात दाखल करण्यात आले आहे. नायगांवच्या वाकीपाडा येथे मोहन गोळे (५४) आणि पत्नी गीता (५०) सह राहतात. नालासोपारा येथील सुभाष उत्तेकर यांनी गोळे दांपत्याकडून १० टक्के एकूण ५ लाख रुपये घेतले होते. मात्र उत्तेकर यांनी पैसे परत न केल्याने गोळे दांपत्याने त्यांच्याकडे पैशांचा तगादा लावला होता. अखेर हे प्रकरण पोलीस ठाण्यात पोहोचले.