नालासोपाऱ्यात कपड्याच्या दुकानाला भीषण आग, आगीत दुकान जळून खाक

कपड्यामुळे काही क्षणातच आगीचा भडका होऊन आग पसरण्यास सुरुवात झाली. यावेळी आगीची माहिती वसई विरार पालिकेच्या अग्निशमन विभागाला देण्यात आली. माहिती मिळताच अग्निशमन विभागाचे जवान तात्काळ घटनास्थळी दाखल झाले. एका दुकानाला लागलेली आग पसरल्याने शेजारच्या दोन दुकानांनाही आग लागली. दोन तासांच्या अथक प्रयत्नानंतर आगीवर नियंत्रण मिळवण्यात अग्निशमन विभागाच्या जवानांना यश आले आहे. यावेळी कोणतीही जीवितहानी झाली नाही.

आग लागल्याचे कारण अजूनही स्पष्ट झालेले नाही. मात्र यात दुकानातील सर्व माल जळून खाक झाल्याने दुकान मालकाचे मोठे आर्थिक नुकसान झाले आहे. यापूर्वी सुद्धा शहरात आग लागल्याच्या घटना समोर आल्या आहेत.