scorecardresearch

Premium

अनधिकृत इमारत प्रकरणात साडेतीन हजार पानांचे दोषारोपत्र; १३ वित्तिय संस्था रडावर, ११७ अनधिकृत इमारती बांधल्याचे निष्पन्न

विरार पोलिसांनी सुरुवातीला ५५ अनधिकृत इमारती बांधल्याचे उघडकीस आणले होते. नंतर तपासामध्ये ११७ अनधिकृत इमारती बांधल्याचे निष्पन्न झाले होते.

vasai police, chargesheet of 3500 pages, illegal construction, 117 buildings, 13 financial institutions on radar
११७ अनधिकृत इमारती बांधल्याचे निष्पन्न (छायाचित्र – लोकसत्ता टीम)

वसई : बनावट कागदपत्रांच्या आधारे ५५ अनधिकृत इमारत प्रकरणात विरार पोलिसांनी तब्बल साडेतीन हजार पानांचे दोषारोपपत्र (चार्जशीट) वसई सत्र न्यायालयात सादर केले आहे. या दोषारोपपत्रात एका गुन्ह्यात ८ आरोपी असून शंभरहून अधिक जणांचे जबाब नोंदविण्यात आले आहेत. अनधिकृत बँकांना कर्ज देणाऱ्या १३ वित्तीय संस्था संशयाच्या भोवऱ्यात आहेत. या घोटाळ्यात वसई विरार शहरात ११७ अनधिकृत इमारती तयार करण्यात आल्या असून १३ गुन्हे दाखल आहेत. त्यात ७८ जणांवर गुन्हे दाखल करून अटक करण्यात आली आहे.

ऑगस्ट महिन्यात विरार पोलिसांनी अनधिकृत इमारत घोटाळा उघडकीस आणला होता. महापालिकेसह विविध शासकीय विभागांचे बनावट सही, शिक्के आणि लेटरहेड तयार करून त्याआधारे बनावट बांधकाम परवानगी तयार करून अनधिकृत इमारती बांधल्या होत्या. विरार पोलिसांनी सुरुवातीला ५५ अनधिकृत इमारती बांधल्याचे उघडकीस आणले होते. नंतर तपासामध्ये ११७ अनधिकृत इमारती बांधल्याचे निष्पन्न झाले होते. या प्रकरणी विरार पोलिसांनी गुरूवारी वसईच्या सत्र न्यायायालयात दोषारोपपत्र (चार्जशिट) दाखल केले आहे.

A minor girl was beaten up by goons on a bike in Jaripatka police station limits Nagpur
नागपुरात गुन्हेगार सुसाट! भरचौकात गुंडांनी तरुणीसोबत…
Controversy in Ambad
अतिक्रमित प्रार्थनास्थळ हटवल्याने अंबडमध्ये वाद
How much donation did Ram Mandir receive
रामलल्लाचा दररोज नवनवा विक्रम, ११ दिवसांत २५ लाख भाविक दर्शनासाठी पोहोचले; ‘इतके’ कोटी मिळाले दान
Extension of first phase of Mudrank Abhay Yojana Pune news
मुद्रांक अभय योजनेच्या पहिल्या टप्प्याला मुदतवाढ

हेही वाचा : नवरात्री विशेष: विरारच्या मारंबलपाडा येथील श्री सोनुबाई भवानी मंदिर

हे दोषारोपपत्र ३ हजार ४२० पानांचे आहे. त्यामध्ये एकूण ८ आरोपींविरोधात गुन्हे दाखल करण्यात आले आहे. त्यापैकी १ आरोपी फरार आहे. देवेंद्र माजी नावाचा आरोपी गंभीर आजारी असल्याने त्याला अटक करण्यात आलेली नाही, तर ६ आरोपींना अटक करण्यात आलेली आहे, अशी माहिती विरार पोलीस ठाण्याचे वरिष्ठ पोलीस निरीक्षक राजेंद्र कांबळे यांनी दिली.

कोणावर काय आरोप?

विरार पोलिसांनी रुंद्राश या अनधिकृत इमारतप्रकरणी दोषारोपपत्र दाखल केले आहे. या प्रकरणात एकूण ६ प्रमुख आरोपी आहेत. त्यात रुंद्राश रियल्टर्सचा विकासक जमीन मालक दिलीप बेनवंशी, त्याचा भागीदार प्रशांत पाटील, मयूर एंटरप्रायझेसचा मच्छिंद्र व्हनमाने, फिनिक्स कॉर्पोरेशनचा मालक दिलीप अडखळे हे प्रमुख आरोपी आहेत. याशिवाय देवेंद्र मांझी आणि राजेश नाईक हे अन्य आरोपी आहेत. पोलिसांनी केलेल्या तपासात प्रमोद झोरे नावाच्या आणखी एका आरोपीचे नाव समोर आले आहे.

हेही वाचा : वसई : तरुणींना प्रेमजाळात ओढून बलात्कार करणारा डॉक्टर गजाआड, आतापर्यंत ३ गुन्हे दाखल

त्याच्या खात्यात ही रक्कम जमा केली जात होती. त्याच्या खात्यातील बँकेचे तपशिल पोलिसांनी मिळवले आहे. त्याच्याकडे १ कोटींहून अधिक रक्कम जमा झाली होती. त्याला देखील पोलिसांनी अटक केली आहे. देवेंद्र माझी हा आरोपी बनावट कागदपत्रे बनवत होता. हुबेहूब सही करण्याचा त्याचा हातखंडा होता. सध्या त्याला गँगरीनचा गंभीर आजार झाला असल्याने त्याला अटक करण्यात आली नसल्याचे पोलिसांनी सांगितले.

१३ वित्तिय संस्था संशयास्पद

विरार मधील रुद्रांश या अनधिकृत इमारतीला १३ वित्तिय संस्थाकडून कर्जे देण्यात आली आहे. इमारत अनधिकृत असल्याचे माहित असूनही त्यांनी कर्जे दिली होती. त्यामुळे या खासगी वित्तीय संस्थांचे व्यवहार संशयास्पद असून त्यांना देखील आरोपी बनविले जाणार असल्याची माहिती पोलिसांनी दिली.

हेही वाचा : विरार मध्ये आणखी तीन विकासकांवर गुन्हे दाखल; बनावट बांधकाम परवानगी बनवून उभारल्या अनधिकृत इमारती

काय आहे हा घोटाळा

आरोपींनी बांधकाम परवानगी, भोगवटा प्रमाणपत्र, नकाशा, दस्त नोंदणी या सगळ्या बनावट कागदपत्रांच्या आधारे अनधिकृत इमारती बांधल्या होत्या. या आरोपींकडे अनेक बनावट कागदपत्रे तयार करणारी यंत्रसामग्री सापडली. एकूण ११९ शिक्के सापडले त्यात एमएमआरडीए, पालिका आयुक्त, जिल्हाधिकारी, महापालिका आयुक्त, सिडको, दुय्यम निबंधक, नगर रचना संचालक, सरपंच, बँक व्यवस्थापक, डॉक्टर, वकील, वास्तुविषारद आदींच्या विविध ११९ शिक्क्यांचा समावेश होता. याशिवाय पालिकेचे ६०० लेटरपॅड, सिडकोचे ५०० लेटरपॅड तसेच बनावट इमारतींच्या कागदपत्रांच्या ५५ फाईल्स आढळून आल्या. सध्या या प्रकरणात विरार पोलीस ठाण्याशिवाय अन्य पोलीस ठाण्यात १२ असे एकूण १३ गुन्हे दाखल आहेत. त्यात प्रत्येक गुन्ह्यात मुख्य ४ आरोपी धरून ७८ जणांवर गुन्हे दाखल आहेत. एकूण ११७ अनधिकृत इमारती बांधल्याचे तपासात समोर आले आहे.

Latest Comment
View All Comments
Post Comment

Vasaivirar News (वसई विरार न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Vasai police submitted chargesheet of 3500 pages regarding the case of illegal construction of 117 buildings 13 financial institutions on radar css

First published on: 21-10-2023 at 20:39 IST

आजचा ई-पेपर : वसई विरार

वाचा
epaper image

संबंधित बातम्या

तुम्ही या बातम्या वाचल्या आहेत का? ×